Tukum Kawlgam bup State leh Division bawlung kidemna pen Yangon khuapi ah nasiatak kinei in,kum dang sangin lZomite thahat mahmah cih kiza hi. Hih bang a manawt tohtoh theihna pen Zogam bawlung thuneite in Oasis Football Club neipa ahi Sia Do Khan Khup (Manager) tungah vaipuak guan ahih man ahi hi. Zogam bawlung Team te in gualzawhna hong ngah tohtoh hangin thahatna ding nek le dawn, sum le pai kumpi lam pan bang mah huhna om lo cih kiza hi.
Zomi Bawlung Team te sungah adiakdiak in Zomi Football Association (ZOFA) Slected sung pan mi 3 kihel thei cih kiza ahih manin, angtan huai mahmah hi. Zangkong ah training hoihtak nei uh a, kimawlna dingin tualpi kawmna ,paisuk paitohna leh Uniform leina cihte akipan sum tampi bei uh ci hi. Traning kipat aa kipan tuni dong kawlsum 4 million bang beikhin ta ci-in , Team Manager Sia Do Khan Khup in gen hi. Hih zahtak in minam tawisang nuam leh a deihsakna hangin lunghimawh leh a makaih Sia Do Khup tungah Zomibup lungdamna lian mahmah hi.
Zomi Fooball Team te in tuni ciangciang gualzawhna ngahtoto lai uh ahih manin, akisapna uh huhna dingin Fund raise bawl sak ding leh amakaih dingin Zomi Kipawlna khat kicial sawm cih kiza hi. Bek thamlo in gam tuamtuam ah contact person ding akizon laitak cih zong Yangon lam pan kiza hi. Minam dangte' mai ah ih sanggamte amaimial ding uh kilawm lo ahih manin hanciam pih dingin Yangon lam mah pan kiza hi.
A nuai ateng Peello kisam ding ci hi.
1. Ni khat an nek man Ks 60,000/ - Mi 27 pha. Ni 10 om lai. February ni 10 ni teh final kisui ding. Tua dong ngak loh phamawh.
2. Bawlung suihsial in tha omna ding leh kung kikheksung aa nek leh dawn teng khatvei kisuihna ah atawmpen Ks 40,000/ bei. Final dong akah ding in ngaihsun leng 4 vei kisui laiding.
3. Hong ciahna ding uh mawtaw sap Ks 250,000/
4. Lampi ah anek ding uh Ks 100,000/
- Vekpi gawm Ks. 1,150,000/ hi.
Player te' letsong ding om nailo aa, apuan khat keek leh bangtawh laih ding cihte zong om nailo hi. Deihlohpen in khatpeuh hong liam (or) hong cina leh bangcih ding cihkhawng zong ngaihsut kul hi. Minam level nasepna ding in tam hetlo lel ahih teh atawm atam cilo in kizawh zah tek apia dingin kiging kholsa in om ciat ding kizasak hi. Hih tawh kisai kizopna ding te asawt loin kizasak kik ding cih kiza hi.
Tuni January 31,2011 ni-in Magwe ah Chin(Zomi) leh Sagaing in sui in Goal1:1 in kidin hi. Amasa lamin Zomiten khum masa hi mah ta leng second half ah a mau hong khum kik ci hi. Tuni ciang a gualzawhna mahmah uh zong Zomibup i gualzawhna ahih manin, hanciam in panpih ciat ding kisam mahmah ding hi. Tuni ciangciang thukizakna dan in, Zomi bawllung Teamte in ni 4 tang ding bek annek ding nei lai uh cih kiza hi.
Feb 3 ni ciangin Kachin tawh kisui ding a, Feb 6 ni ciangin Yangon tawh kisui ding hi. Zomi bawlung Teamte thungetna leh huhtheihna bangbang in huh ding hi hang. A hunzui in kong zaksak zawh pahpah na ding hong hanciam ning. Zomi Football Team sungah bawlung suiteng' minte a nuai abang ahi hi. (Phone sung pan kihona ahih manin, khialhna om kha thei ding hi. By- Thangboi )
1. Cin Khan Tung (ZOFA Selected, Left Wing) 8. Phun Za Ling
2. Pau Suan Sang (ZOFA Selected,Mid Fielder) 9.Tluang Cung Hmin
2. Pau Suan Sang (ZOFA Selected,Mid Fielder) 9.Tluang Cung Hmin
3. Mung Deih Pau 10. Lal Zing Sangaa (a)
4. Tawk Awi Thang 11. Lal Zing Sangaa (b)
5. Lal Loh Kim 12. Suan Lam Mang
6. Upeter 13. Lo Ho Lian
7. Deng Thuam 14. Ye Min Thein
5. Lal Loh Kim 12. Suan Lam Mang
6. Upeter 13. Lo Ho Lian
7. Deng Thuam 14. Ye Min Thein
15.Tg. Nang Kap Thang (ZOFA Selected-Goal Keeper)
A dangte amin kithei cian lo ding cihna tawh hong kigelh nawn lo hi mai hi. Bawllung kimawlna tawh kisai Group 2 in khen leuleu uh hi.
Group A Group B
Thaninthari Division Kachin State
Irawaddy Division Chin State
Mandalay Division Sagaing Division
Pegu Division Yangon Division
Irawaddy Division Chin State
Mandalay Division Sagaing Division
Pegu Division Yangon Division
Source by - Thangboi and Thawngmang, Yangon
Photo taken by- Vai hunta
Posted by - Tongsan Tanute
No comments:
Post a Comment