Sunday 27 February 2011
KAWLGAM HAWH DING
Leitungbup bawlung kimawlkhopna (International Federation of Association Football -FIFA) ah President Joseph S. Blatter (Kum 75) pen Kawlgam bawlung kipawlna( Myanmar Football Federation-MFF) makaipi U Zaw Zaw sapna tawh hong tung ding March kha sungah Kawlgam hawh ding cih kiza hi. Mr. Joseph Sepp Blatter pen U Zaw Zaw tawh Kawlgam bawlung vaii hollimna nei ding cih kiza hi. abeisa 1998 kumin FIFA President in kiteel ahi hi.
FIFA President Sepp Blatter
FIFA President Mr. Joseph Sepp Blatter
Mr. Joseph Blatter in Kawlgam hong hawh sung mahin Mandalay a om Football Academy sang zong honna neiding ci h kiza hi. Joseph Blatter pen nasepna panmun tuamtuam ah asem kawikawi khat ahih banah, United Nations Children's Organization (UNICEF) tawh zong naupangte adingin "Awareness of Children's Right" cih Campaign bawlpih zel khat ahi hi.
International Sports Diplomacy ah thutheihna anei (Talent) khatleh Experience neipen khat ahihban ah, FIFA Football leh "Youth of the World" te ah lawptakin amapangden khat ahihi. Src: Zomi Daily
ZOGAM THUTHANG
- Zomi Nam Ni in World Zomi Congress in Pu Cin Sian Thang pen $5000 tawi ‘Zomi Independence Hero Award’ pahtawina pia a, kilungdampih ciat mahmah hi.
- Zomi Nam Ni in Tedim khuapiah Feb. 20 ni pen Chin Sate Day sangin Zomi/Chin National Day cih ding deih zawkna hang leh ZRO sticker belh kawikawina hang tawh palik ten a makaite mi 5 a mat pen lungkim loin mipi 300 val in palikleen umcih in, “na mat teng uh zan nai 9 ma-in nong khahkhiat kei uh leh palikleen teng hal ding hi ung” a cih uh ciang Chin state SPDC Chairman ahi Hung Ngai ii thupiakna tawh kikhahkhia takpi cih thu kingah hi.
- Leitung pianzawh a khatveina-in Chin Pyine in aituam kumpi nei ta hi. Kumpi-a kihel mite pen MLA kici a, mi 24 pha uh hi. Tua lak pan Hung Ngai [Mitdat] in Chief Minister, Hau Khen Kham [Tonzang] in Speaker, OhnLwin [Matupi] in Dy. Speaker sem ding uh hi. Minister sem ding mi 9 zong kiseh khin ta a, tuate pen CinLianpau-Tonzang, NangZaPum-Tedim, RamMang-Hakha, NingNaig-Mindat, KeeThang-Kanpalet, KyawNyein-Paletwa, Col.ZawMinOo-Galkap, Dr.BaMaung-Kanpelet, VanThawng.
- Mizogam, Champhai-a om Tg. John Lianpu bawl Takkheh Pasal! cih VCD/DVD ahZogam itna, Khuado, Zomi Nam Ni leh Mopawi la hoih nono tampi kihel a, a sawt loin kingah thei ding cih kiza in, kingaklah ciat mahmah hi.
- Kawlgam leh India sumbawlkhopna pen tun a vetpi in USD million 1000 val pha ta a, tua sung pan gamgi sumbawlna pen USD million 140 pha hi. Sepkhopna a tangzai theihna dingin India United Bank leh adang thumte tawh direct-a kizop theihna ding koih banah Tamu–Kalaywa-Kalay leh Rih-Tedim-Kalay lampite puahkik ding geelna kibawl hi.
- Feb. 18 ni nai 8:30am in Cikha pan Tedim lam zuan, Falam lambupa’ motor, AE pen Tonzang gam Singgial zangah a hat hawl luatna hangin kibungh a, ahawlpa khut kitan cihloh a tuangte bang lua ci lo uh hi. motor bel a mailam kisia gawp hi. Haimual lamah zong tuteng motor kibungh tam cih Tedim khangnote tung pan kiza hi. A hang bel lampi hoih in kihat hawl thei lua hi tek pian hi.
- Zogam Tonzang uk sung, Keltal khua-a teng Pa Thang Khan Khup leh Cing Kap Lunte nupa 8Dec2010 ni-a lokuan pen tu dong ciah kik nai lo uh a, a omna a thei zo kuamah omlo hi. Amau ta numei 3 leh pasal 1 nei uh a, naupangno cikcik hi lai uh hi. Tedim uk sung Suangzang Youth Fellowship panlakna tawh a tate huhna ding USA pan Ks.100000 kipia cih thu kiza hi.
- Ong tung ding Feb. 27 ni nai 1:40pm ciangin Zomi Christian Fellowship, New Delhi in Free Church, Parliament Street-ah kum 29 sung a makaih Topa tungah Lungdam kohna pawi kibawl ding a, la sa siam tampite lasakna a om ding banah Rocker Kappi zong kisam a, a pai kha lote hamsia mahmah ding cih thu kiza hi.
- Zomi Siamsin, Kalay University in 26.2.2011 [Sat] ni ciangin Nawarat taih, Bogyoke ah maithak muakna nasia tak nei ding cih thu kiza hi.
KAWLGAM THUTHANG
- Aung San Suh Kyi in sumbawlna lama leitung in Kawlgam a khalcip pen mipi in thuak sa lua ta ahih manin kiphelkhia leh a ut thu tulai a tangkoko pen USA in awlmawhin thukan ding palai-in LARRY DINGER pen Kawlgamah sawl cih thu kiza hi.
- A beisa 17 Dec. 2010 in Kawl kumpite in Kawlgammi deidan om vet lo, pasal kum 18-45 kikal leh Numei 18-35 kikaal teng kum 2/3 sung galkap tumsak hamtang ding cih thukhun taangko khia uh a, galkap tumsa peuhmah pensen/inn ciah pak ding nangawn phal nawn loin mancip ta uh ahih manin kipatau sim ciat a, Pegu khua leh mun tuamtuam ah langpanna lai kisuang kawikawi cih thu kiza hi.
- South-East Asia ii media lamah a minthang khat ahi, Myanmar Times a patkhiatpihpa Ross Dunkley pen a omna khan sungah numei khat in kaanza koihin palikte mansak a, visa bei ta cih thu nihte hangin galkap ulian ten man uh hi. A hang taktak bel galkap uliante tawh a kilemlohnate hang hizaw cih thu kingah hi.
LEITUNG THUTHANG
- Japan gamah 2010 kum sungin mi 100,1000 suak na pi’n 11,94,000 si mawk uh a, a suak sangin a si tamzaw ahih manin leitung bup in lamdang sa ciat cih thu kiza ngah hi.
- 2011 Jan. 27 nia kipan Japan gam Kagoshima prefecture leh Miyazaki prefecture kikala Kirishima meimual puakkham pen thahat lua ahih manin suangtum lianpipi nangawn a lenkhiat ziahziah banah a khute meilom bangin vanah 5000[feet] val bang lengto a, a kima annteh kicingte vuknelh gawp in, kum 52 sung hihbang om ngei lo ahih manin lamdang kisa vat mahmah cih thu kingah hi.
- Isreal gam in galte thaupite[missile] lehkap kik theih pahna ding Arrow-II cih thaupite bawl uh a, hihte pen Iran ten Ballistic Missile tawh ong kap leh athuh kik pahna ding gelna hi in, Defense Forces-a Deputy Chief of Staff, Mr. Yair Naveh in hihte sangin ih muanzawk Pasian hi, ci-in mipi tungah gen hi.
- Ong tung ding March 3, 2011 ni ciangin Thailand leh Cambodia gamnihte gamgi vaia nase taka abuainate uh UN ten a kuppih ding banah Kawlgam leh Bangladesh gam zong gamgi vai siang thei nai loin kingeu etet lai uh cih thu kingah hi.
LOCAL NEWS – CINGTOMKIM
- Tuma kha 2 lai panin Delhi Metro-te tuandan kikhek hi. A mailam khen (coach) nih pen numeite tuanna hi ta a, tua losiah a nunglam coach teng pasal tuanna hi ta hi. Numei tuanna, pasal tuanna na pilvang kei leh ni sialin mi tampi tuahkhak khatvei khialh man Rs-250 liau kha thei ding na hih manin kidophuai hi.
- UNHCR zum leh a kisaipih zumte ah na pai ciangin a kisai kha lo laidalte na puak khak loh nang pilvang in.
- ZCF Vikaspuri ii biakinn zong WZ-49A, Bodella, Vikaspuri ah kisuan ta a, a kikhawm kha ten nuam zaw tham, kici ciat ven… va siim dih ni e guai???
- 2011 kum Delhi Zomi Refugee sung ong makaih ding makaai kiteel thakte a nuaia dan hi –
President- Tg.Khoituang
Vice- Tg. Paumuan
Secretary- Pa JPau
Asst. Secy- Tg. Khaibawi
Sumkem- Pa Khoipau
Saziansit- Tg. Liantawng
Members- 1) Mangpi 2) Pa Nang Ngaih Lian 3) Sia Cicin 4) Sia David Khaipi
Vaphual.net.
LEIBA LOH ZAWH LOH MANIN INNKUAN BUP GUZA NE
Leitung bupah cimawh dongtuakte ahuh den NGO khat ahi Non Profit Christian Charitable " I Love Myanmar " te in Kawlgam sung leh gampua pan khualzim mite Zogam hong pai nop semsemna ding ngimna tawh Zogam ah Phuitong kung 20000 leh Dolkung Acres 100 val tukum sungin suan dingin " I Love Myanmar" makaipi Daw Levi Sap Nei Thang in gen hi. Phuitong leh Dolkung suanna ding tukha February sung akipan Lo vat kipan pah ding ci kiza hi.
"Zogam ah Anhuanna dingin singkung kilimphuk lua mahmah ahih manin, gam keu in guahtui haksatna hang tawh nuntak khuasakna ah haksatna lianpi kithuak hi. Tua ahih manin Zogam ah guahtui manman akingah theihna dingin kim le paam kep siam mahmah ding kisam a, Singno suan mah i hanciam ding kisam pen hi " ci-in Dr. Levi Sap Nei Thang in gen hi.Phuitong suanna dingin Tedim gam Taingen khua kim Motor lampi gei tengah suan ding a, Dolno pen Tedim, Khaikam le 9 Miles tengah suan dingin gen hi. " Phuitong kungte pen kum 4 ciangin paak thei pan a, tua Phuitong paakte apaak hun ciangin gam sung gam pua pan khuazin mite Zogam hong painuam mahmah pah ding ci in, Dr. Daw Levi in gen hi.I Love Myanmar te in abeisa 2009 kumin Tedim gamah Phuitong kung 20000 val suan khinin, mai kum sungah Sing namtui kungte suan dingin ngimna nei cih kiza hi. Tua banah Falam leh Kanpatlet khuapite ah College sanginn lamna ding akisam khempeuh huhna pia dingin gen hi. Dr. Daw Levi Sap Nei Thang' makaih " I Love Myanmar " in Zogam sung Zusa khialpi hang a gentheih thuakte zong huhna tampi mah pia khin uh hi.A diakdiak in abeisa 2008 kum Nirgis huihpi thuak Irrawaddy Division sungah abeisa 2008 kum a Nirgis huihpi thuakte huhna sum tang Kyats 7,000,000 val a piak banah inn 1500 le Sanginn 12 lam sak in, nuntak khuasakna bulpi uh ahi Gunkuang leh Ngasa matna Ngen akisam zah piakhia hi. Tua banah Rakhine gamah Girih huihpi thuak Township 7 pan sang sum pia zolo sangnaupangte huhna Kyats Tulza sawmnga huhna pia hi.Posted by- Tongsan tanute
Daw Levi a nu le pa, a pasal le atapa tawh.
"Zogam ah Anhuanna dingin singkung kilimphuk lua mahmah ahih manin, gam keu in guahtui haksatna hang tawh nuntak khuasakna ah haksatna lianpi kithuak hi. Tua ahih manin Zogam ah guahtui manman akingah theihna dingin kim le paam kep siam mahmah ding kisam a, Singno suan mah i hanciam ding kisam pen hi " ci-in Dr. Levi Sap Nei Thang in gen hi.
LEIBA LOH ZAWH LOH MANIN INNKUAN BUP GUZA NE
Pegu Division, Gyobingauk khuapi Zicho Taung veng ateeng U Ti Pwar (Kum 39), leh a zi Daw Kay Khine Win@ Mee Nge(Kum 37) te nupa in sum kitah nasep ahi; English Primier League bawlung kidemna, Chee mal 2,3 leh Kawmte kam-etna (lottery ticket) te zuakna ah innpi semin a tawm pen Ks. 300 million kyat (US$337,078) leiibat neih lawh uh hi. A leiibat tam semsem ahih manin, a lohna ding lungkham lautna tawh February 22,2011 ni-in amau nupa le atanu Miss.Pon Pih Sone (Kum-3) tawh guza dawnin innkuan bupin si uh hi.
A sihni zingsang tungin Leiiba ngente a inn ah pai-in letmat thuh sakna lai sungah, " Ka cihna ding uh thei zo nawn kei ung! Ka tanu neih sun uh zong mite' maiah maizum, genthei a nuntak ding sangin, ka innkuan un ka sikhin zaw mai ding uh hi " ci-in laigelh nusia cih a meltheihte in gen hi. U Ti Pwar pen mi mawkmawk hi loin, Gyobing Gauh Market sungah Kham (Goal) zuakna sumbukpi khat anei ahi hi.
Tua ni sun lamin a inn mai uh a teeng asungh nu in atuno Miss. Pon Pih Sone (Kum-3) anpia nuam in a vahawh phet ciangin, Miss Pon Pih Sone pen lupna tungah puanza, thopuan tawh kitun in om a, U Ti Pwar pen a kam sung pan a leii dawkkhia sa in si a, a tanu Daw Kay Khine Win pen a muuk dup gawp sa in, lupna nuai ah asisa vive in kimu ci hi.
A luang gei Sabuai tungah Nupate' letmat thuhna laidal le Guza kitunna laidalte kikoih in, Video CD kihong kawmin kinusia in a vengte in gen hi. A thu pian zia tawh kisai Township thuneute in pulakna ding haksa sa uh a, a tanu thahna hangin a nu le pa i luang/akhut tungah Sikkol bulh sak veve uh hi. Hih innkuante mi 3 kithatna hangin, khuami khempeuh linglawng uh a mangngilh theih loh ding thu khatin kigen ci hi.
A tanu uh pen Mocu kah a it huai mahmah laitak ahih manin, a mu kha peuhpeuh khitui luangin kikap ziah ziah ci hi. Hih khua ah abeisa July, 2010 sungin Sang Siamah khat zong Chee mal 2 hangin Leiiba loh zo nawn lo ahihna tawh Guza dawn mahin si ngei ci-in khuamite in gen hi. Hih sihna hangin Palikte leh Lokhawhna lam thuneite in Lungnoza kizuakna sumbuk khempeuh ah endikna bawlin, vanzuakna ah kidop mahmah dingin gen uh ci hi.
Hih khua sungah Chee mal 2,3 akipan sum kitaahna pen khauhpai lua mahmah ahih manin, mi 10-8 in sum kitah nasep sem ci hi. Tua nasepna tawh nuntak zonna in kizang ahih manin, Kumpi thuneite in a kham cih sangsik in, a mau mahmah tungah sumgolh kipia pia sak lai uh ci-in, khuamite in gen hi. Sum kitahna pen thuman lo nasep ahih hangin, Kumpi thuneite in zong limsep zaw lai-in, Kawlgambup kizel ta hi.
Tua ahih manin, hih bang Chee mal 2,3 leh sum kitahna tuamtuam pan siatnate in Zomite' inn sungah hong nasiat ma in, Topa tha tawh do mengmeng ding kisam hi. A nungta Pasian a um Zomite in hih bang Pasian deihloh nasepnate tawh nuntak sawm loin, Pasian kihtakna le thumanna tawh nungta ciat dingin Pasian in hong ompih hen.
Posted by - Tongsan Tanute
A sihni zingsang tungin Leiiba ngente a inn ah pai-in letmat thuh sakna lai sungah, " Ka cihna ding uh thei zo nawn kei ung! Ka tanu neih sun uh zong mite' maiah maizum, genthei a nuntak ding sangin, ka innkuan un ka sikhin zaw mai ding uh hi " ci-in laigelh nusia cih a meltheihte in gen hi. U Ti Pwar pen mi mawkmawk hi loin, Gyobing Gauh Market sungah Kham (Goal) zuakna sumbukpi khat anei ahi hi.
Tua ni sun lamin a inn mai uh a teeng asungh nu in atuno Miss. Pon Pih Sone (Kum-3) anpia nuam in a vahawh phet ciangin, Miss Pon Pih Sone pen lupna tungah puanza, thopuan tawh kitun in om a, U Ti Pwar pen a kam sung pan a leii dawkkhia sa in si a, a tanu Daw Kay Khine Win pen a muuk dup gawp sa in, lupna nuai ah asisa vive in kimu ci hi.
A luang gei Sabuai tungah Nupate' letmat thuhna laidal le Guza kitunna laidalte kikoih in, Video CD kihong kawmin kinusia in a vengte in gen hi. A thu pian zia tawh kisai Township thuneute in pulakna ding haksa sa uh a, a tanu thahna hangin a nu le pa i luang/akhut tungah Sikkol bulh sak veve uh hi. Hih innkuante mi 3 kithatna hangin, khuami khempeuh linglawng uh a mangngilh theih loh ding thu khatin kigen ci hi.
A tanu uh pen Mocu kah a it huai mahmah laitak ahih manin, a mu kha peuhpeuh khitui luangin kikap ziah ziah ci hi. Hih khua ah abeisa July, 2010 sungin Sang Siamah khat zong Chee mal 2 hangin Leiiba loh zo nawn lo ahihna tawh Guza dawn mahin si ngei ci-in khuamite in gen hi. Hih sihna hangin Palikte leh Lokhawhna lam thuneite in Lungnoza kizuakna sumbuk khempeuh ah endikna bawlin, vanzuakna ah kidop mahmah dingin gen uh ci hi.
Hih khua sungah Chee mal 2,3 akipan sum kitaahna pen khauhpai lua mahmah ahih manin, mi 10-8 in sum kitah nasep sem ci hi. Tua nasepna tawh nuntak zonna in kizang ahih manin, Kumpi thuneite in a kham cih sangsik in, a mau mahmah tungah sumgolh kipia pia sak lai uh ci-in, khuamite in gen hi. Sum kitahna pen thuman lo nasep ahih hangin, Kumpi thuneite in zong limsep zaw lai-in, Kawlgambup kizel ta hi.
Tua ahih manin, hih bang Chee mal 2,3 leh sum kitahna tuamtuam pan siatnate in Zomite' inn sungah hong nasiat ma in, Topa tha tawh do mengmeng ding kisam hi. A nungta Pasian a um Zomite in hih bang Pasian deihloh nasepnate tawh nuntak sawm loin, Pasian kihtakna le thumanna tawh nungta ciat dingin Pasian in hong ompih hen.
Posted by - Tongsan Tanute
2011 SUNGIN ZAVOM ACRES 1000 KISUAN DING
Zogam , Tonzang gam huam sungah abeisa hun khat akipan Beng (Poppy) nasiatak kiciing a, tukum 2011 sung bekbek in Acres 1000 val kiciin sawm cih kiza hi. Tukum sung a Beng(Poppy) ciina ding zong Lo sing kiphuk khin ta a, mai March kha sungin Lo kihal ta ding ci-in, khuaneu khat pan Lokho papi khatin gen hi.
Tonzang gam huam khua tampi ah khaici dang zong kilimciin nawn loin, Beng (Poppy) bekbek mah lokhawh nasempi in kinei ta hi. Kumpi thuneite in kham sese loin, phiangsiah (Tax) piasak in suaktak tak sem sak ziah ziah uh hi. Kumpi thunei/ galkapte in sum akisap hun uh ciangin, Beng ciinna Lo ah pai in, inn khat Ks. 20000-30000 cih bangin a deih zahzah sum ngen zel cih kiza hi.
Tua banah Tonzang gam sung mahah khamtheih zatui namkhat akizang ahi Kanza kici (marijuana) nam khat zong kilimciin mahmah ci hi. Tulaitak Beng ahing Tawi khat Ks.600000/- in kilei a, Sagaing Division- Tamu Tsp., kimah Bengkang (Heroin) tawh kibawl cih kiza hi. Abeisa hun sungin Beng ciingte in India gam sung a om Thautawi pawl khate' tung le Kawlgam galkapte' tungah Piangsiah (tax) pia in semsem thei uh cih kiza hi.
Posted by - Tongsan Tanute
Thursday 10 February 2011
INDO-MYANMAR ZOMI NAM NI 2011
India, Churachanpur lam a om Zomite in tukum 2011 February 20, ni ciang a hong tung ding 63rd veina Zomi Nam Ni pen Indo-Myanmar Zomi Nam Ni min tawh Suangdawh khua ah bawl ding ngaihutna nei uh a, tua vai tawh kisai Pu Gin Suan Hau ( Indo-Myanmar Zomi Nam Ni Celebration Committee Chairman) inn, Lailam vengah January 25,2011 (10:00AM) hunin kikupna nasiatak nei uh cih kiza hi.
Tua Zomi Nam Ni ciangin sum zatna ding geelkholhna nei uh a, Committee in sumbul (budget) dingin Rs. 1,370,000.00 zatkhiat dingin thukimna nei cih kiza hi. Tua banah Thubulphuh dingin “Unity We Can” cih neih dingin khensat uh hi. Tua hunpi sungah Zingmangpi (Chief Guset) dingin Pu Thang Lian Pau ( ZRO-President) sam ding uh cih kiza hi.Source by - Tongsan
Wednesday 9 February 2011
ZOMITE' KHANTOHNA DING
Ei Zomi (Chin) kici nidanglai Khamtungmite pen mitkeuh nuamta a, khangnote in thudotna nei tawntung uh hi. Zomite khantoh nadingin bang kisam hiam? cih ahi hi. Nakhempeuh bangtawh pan ding cih zontawm ding ahihmanin dawnhak mahmah hi. Tua dawnna ding, kicinglo thamlo-in a mongkhat zong sawkkha lo ding ahi zongin, keima lungsim hong susu ngaihsutna tawm kong piakhia nuam hi.
Patriotic: Nam-itna Lungsim: Gam leh Minam khantohna khaici hoihpen, Nam-itna ahi hi. Nam-itna lungsim omlo-in minam kipuah nuamlo thamlo-in kipuah theilo ding hi. Minampuan silna bektawh minam-itna kicinglo ding hi. Nam kibangte tenpih ciang bek tawh kicinglo hi. Namdang tenpih zong minam langpang hituanlo hi. Nam-it nasep mapan dan kibangkim theilo hi. Pawlkhat in thautawi nuam ding hi. Pawlkhat in political party tawh kalsuan nuam ding hi. Pawlkhat in biakna kipawlna tawh nam-itna sep sawm ding hi. Nam-it ngentang ahi uh hi. Hih kipawlna sungaa kihello nam-it mitammahmah hi.
Nam-lungsim[Racism] leh Nam-itna[Patriot] pen kido tawntung hi. Nam-lungsim neite in power zangin thanem zawte nuainen[nengniam] hi. Nam-itte in tua nuainenna pan suahtakna a ngah nadingin dalin do uh hi. US gamah avom leh akaang minam kitelkhialhna ol mahmah hi. Racial Discrimination a tawmna dingin United Nations in Human Rights thukhun [Articles-30] bawl uh hi. Hih thukhunte in, minam deidan omlo-in mimal khempeuh a kibangin Right ngah theihna ding leh bitna[security] a neih nading ahi hi. Nam-itna Lungsim (Patriotic] bang hiam?, Nam-lungsim [Racism] bang hiam, ci-in khentel theih ding kisam hi. Minam it aa kinei-in namdang khempeuh galmuh ding zong hilo hi. Minam khualnate Nam-lungsim ih sak ding zong lauhuai hi.
[Racism] Nam-lungsim. Majority kici population tamzawte in minority kici population tawmzawte tungah power zangin ukcip nuam uh hi. Mel leh sa kibanglo, pau kibanglo, ngeina leh biakna kibanglo, pilna a saang a niam, a zawng a hau sungaa a piang tawntung buaina ahi hi. Human Right tawphah-a kibawl Constitution tawh ki-ukna gamte-ah phadawm zawdeuh hi. Nidangin Europe gam leh nitumnalam gamte-ah avom-akaang kideidanna nasia hi.
Mikaang khat in mivom spouse aneih leh khang-7 dongin mivomin kiciamnteh hi. Kiciamteh cih ciangin, a Right kibanglo hipah hi. Pilna-Saa'ng, Biakinn dailenna-buuk, club tuamtuam, vanleeng, tembaw, meileeng, tuanna akaang leh avom kidei hi. Signboard tungah " WHITE ONLY" ci-in a kisuan ciangin nam dang khempeuh lut theilo hi. Tudongmahin [Human Right] tampi kipia hinap-in, taangtawng-a kipan a tawphah nencipna hangin galkap officer 200 sungah color khatbang bek kihelzo pan hi. Color neite a khanzah dingin khangkhia zolo uh hi.
WW II ma-in a kaangte simloh vanleeng kihawlsak lo hi. Outstanding lua mahmah ahihkei ngaalleh a kaang simloh zaa kipialo hi. Employment lamsangah position kibang napi payment rate kibanglo hi. Benefit tuamtuam ngahdan kikim lo hi. Zumsung, khualzinna facility kibanglo hi. Me nangawn pia theilo uh hi. A
kaangte ciangin misisate vote nangawn lalai mawk uh hi. Nam-lungsim neite in namdangte nuainenin bawlsia hi.
Kawlgam dinmun: Ei Kawlgam minam buaina [Racial Discrimination] pen tuhun asiapen laitak ahi hi. Tribal minority te nencip nopna hangin Constitutions omlo-in Marshall Law tawh thongkia uk bangin kum100 dektak hong ki-uk hi. Kawl minam bek khansuah nuamin Strategy lian mahmah nei uh hi. Budhism pen gambup biakna hiding ci hi. Tua laigualkhat hangin Budhist lo khempeuh sihna dumsung hong tun ahi hi. Budhist aading ciangtan omlo-in lampi honsa-in kikoih hi.
Christian biakinn lam nang leitang letmat khat zong hong pialo hi. Biakinn-lui puah ding leh behlap ding phallo hi. Singlamteh kitung khempeuh satpai hi. Budhist lokhempeuh in, teeltheihna [freedom of choice] lamkhat zong ngah lo hi. Pilnalam kisum hi. Business kisum hi. Political lamah kisum hi. Luphong lo dingin hong gawicip ahi hi. Palik-Galkap Budhist hilo khempeuh santhum(Sgt) tungkan piakloh dingin thukhung uh hi. Gammite sangin gamdang Sente [Chinese] in Right nei zaw uh hi.
Freedom of ownership hong pialo hi. Mipi neihsa, inn, lo, motor, ganhing, mihing i zi-itate dongin adeih bang muhgegu-in zang uh hi. Project khatpeuh paulamin, mipi tenna inntul innza kikhinsak hi. Kachin gam, Kale airport expand nading inn lehlo kip tampi hawl khia uh hi. Relocation geelna nei tuanlo hi. Natural disaster huihpi-pingpeii, ziinliingpite, tuipi hual cyclone suksiat zahmahin sehuai hi.
Kawlmi khat aadingin nakhempeuh kihong hi. Tribal minority minam aading khatzong kihong lo hi. Tribal thuakzah a thuak khalo, Kawl-mipite nangawn in haksa sa uh hi. [Force Labour] Thaman pialo-in mipite amau anguai tawh naseem sak hi. Amau neek ding zonhun omlo ahihmanin mipi kiallua-in pulnatna tawh sisi uh hi.
[Racism=Nam-lungsim tawh ki-ukna hang thupiangte]
Patriotic: Nam-itna Tawh Kisai: Patriotic Nam-itna neite in nuainenna pan suahtak nadingin Independent ngenin kidona piang tawntung hi. Liberation Movement tuamtuam hong om hi. American in sisan tampi luangin British Colony khut sung panin 1776 kumin suahtakna la uh hi. Abraham Lincoln in sila suahtakna pia napi khindai zolo hi. 1960 pawlin avom leh akaang Equal Right ngenin nuntakna tampi mah in manthan lawh hi. Mivom makaipa Martin Luther King kikaplum hi. Biaknalam zong Patriotic om veve hi.
Martin Luther in khate suahtakna dingin [Upna Thesis 90] Biakinnpi mai-ah suang hi. Minam itte in amau gam ciat panin puahphatna(Reformation) bawlin nakpi-in taangko uh hi. Mi tultul thenthen in sihlawh hi. Rome galkapte leh Calvanism pawlte bang thau mahtawh a kikap tangtang uh ahi hi. Tua lo-in mipi numei naupang deih bangin banthah mawk uh ahihmanin thatang mahtawh dalhun om zel hi.
Ei Kawl kumpi zong Racial Discrimination pressure khaulua a, kithuak zolo ahihmanin, Patriotic Movement hong khang ziazua hi. Federal State ngenin thautawi gamnuaimi{Underground Movement} tampi kipan uh hi. KNU, KNLA, SSA, KNPP, NDAA, UWSA, ABSDF,CNF, ZORA, ects gamnuai tapung a dimin om hi. Hih khempeuh pen Patriotic Movement ahi hi. Nam-itna pen sisan kiat dongin piak kul thei hi.
Political party tuamtuam panin, UN leh Asian Pacts khawngah huhna ngenin lungphona [Demonstration] nei uh hi. Aung San SuKyi leh NLD makai khempeuh, ZNC makai U Cin Sian Thang leh party leader khempeuh thong sung denna hi. Amaute deih bulpi pen launa omlo-a lungmuangtak a om theihna ahi hi. Human Right ngen ahi hi. " Human Rights means the right of all people, to live in peace,without fear." [Hih a tung-a khempeuh pen Nam-lungsim neite leh Nam-itte kibatlohnate lahna ahi hi.]
PTHAU TAWILO, POLITICAL ARTY LUTLO, NAM-ITTE NASEP.
Political party sung kihello, biakna TUAMTUAM leh kipawlna tawh kisawhpawilo, khua leh tui, gam leh minam naseem nuam tam mahmah hi. USA katun ciangin US citizen suah nang kahan ciam hi. Gammi hoih kasuak nuam hi. Political party tuamtuam tawh kizop ka ut kei hi. Kapawlpi-ah kikhawmin, politic party tawh kigamla theithei-in ka-om hi. Ahih hangin gam leh minam aadingin septheih tampi om hi. Khantohna manlaang thei dingin kiseem thei hi. Mikhatpeuh ankuangzonna Raw-material kasuahloh nang ka kikeem hi.
1. Communication; Kikawmna leh kisukkhakna. Leilam kikawmna. Mihing leh ganhingte pen kisukkhana , tungtawnin kingaihna kilamnaihna piang
hi. Muh ngei khat leh muh ngeihloh mikhat tawh kituak leng kiho dan kidang hi. Maitai dan kidang hi. Ki-itna leh kipumkhatna a olzawk nangin bual khawm, seemkhawm omkhawm , ding kisam hi. Ei Zomite hong kikaksak hong dongkholh mahmah pen,Communication kikawmna tawm lua hi. Leilam zui a kikawmna motor, meileeng, setbing, sakolleeng, bawngleeng, zattheih dingin, lamlian bawl kul hi.
Vanlam huihlak zang a kikawmna ahi Tele-communication, TV, Radio tawh kikawmna kisam hi. Tulaitakin Sia Vum Za Nang leh galkap kumpite kithuah a, motor lam a hanciam laitak uh ahi hi. Amau hanciamnate i theihpih khit loh hangin, lampi hoih pen a kisam mahmah khat ahi hi. S.Chin State pen Budhist ahihmanin puah cihtakin kumpi in puahsak hi. Ei N.Chin State pen mitkeuhin hong khemzawh ngaplo uh ahihmanin huh ding cih genloh, eitha tawh ding nangawn kingenlai mawk hi.
Ahi zongin ei khua ei tui puah ding pen thasial ding hilo hi. Galkap power zangaa mipitha suk ding zong hilo hi. Nasep-hun leh lamtawh hun gelsiam kul hi. Gampua leh kumpi lampan huhna Fund a omleh zong mipi noptuam nangmahin zek huai hi. Galkapte pen mipi ngah dingteng ne -in mipi a sih donga zanghte ahi uh hi. Lampi kikawmna pen pumpi mahmah kizopna leh kikholhkhopna thahaat manlaangsak hi.
Huihlak kikawmna: Internet leh Phone kiho-in zinei-pasalnei tampi om hi. Cikmah aa kithei hilo hi. Huihlak kizopna pen TV,Phone, Radio, Computer cihte ahi hi. Tua khempeuh nuamtakin i zat theih nadingin Electric power kisam hi. Kapteel khua-ah Hydro Electric kadeihsak manin Teng-70 kapia hi. Tua tawh bangmah kiseemzo lo ahihmanin Dr Suan Za Dong in maban nong nazopsak hi. Motor lam khawng kadeih hangin kei pen teeklam leh thakiamlam manawhta kahihmanin kahuhzo nawn kei hi. Tua kacih ciangin kong kisialhna hilo hi. Khamtungah mei kisamlua cih kakin ziate hong lak kahi hi. Electric power ngah nadingin lampi tuamtuam om hi.
Huihpanin Wind-power tawh ngahna pen vanlianin ei zat zawh ding hilo hi. Hidro Electric pen ei kiangah tuitha kicing ding hamsa hi. Meitei gunpi daltan zo ding ihih kei ngal leh ollo hi. Khamtungah tuitha zat theih ding tawm mahmah hi. Tuihoihna khempeuhah hanciam huai hi. Ahi zongin Solar Backup Generator zangin mei kingah thei hi. A diakin ei Zogam aading hoih penpen hi. Inn simah neihzawh nang hanciam huai hi. Ei mah bang leitung gamneu khangto cil ten nakzat mahmah uh hi. China, India, Afghanistan, Nepal cihte pan kinak bawl mahmah hi.
Nitaang pan aa kila ahihmanin ei aading lampi hoihpen hiding hi. Electric power hoihtak ngah hileng, TV, Radio, Computer, Phone deih bangin kizang ding hi. Living Standard thakhatin hong domkang' ding hi. Khantohna pen manlang mahmah ding hi. Mit hong vak ding hi. Business nasepna tuamtuam hong tangzai ding hi. Sangnaupang leh pilnalam computer system tawh na kiseem thei ding-a, leitung bup zakimin pilna kingahzo ding hi.
2. Economic lamtawh kizopna: Marketing Center Leitung mihing kihuzaapna hoihpen sumbawl-sumzuakna panin khangto mahmah hi. Kikawmna hoihlohna hangin a kiseem theilo tampi om hi. Shopping Center-Bazaar nangawn Tedim khuapi cikankanin kimualsuah zolo hi. Hihmunah, Zomi khantohna hong khaktan thanemna om kha ding hi. Ukna aana zatzia leh cihtakna kitaangsam hithei ding hi. Makaite in a nasep nungzuihlo hiding hi. Shopping Center-Bazaar om manin kisukkhakna tam a, kamtawh kigen theilo khuamuhna piangsak hi. Business thahaatna munah mite teitanga civilization manlang pah hi.
Tedim-milo khempeuh omna-ah Bazaar neizo ciat hi. Eisangin manlangin hong teitang zaw hi. Bazaar i picinloh pen namdangte batlahna namkhat ahi hi. Shopping Center-Bazaar khua kimah om leh, taangsapna khat a om ciangin, tuamun direct kidelh pah hi. Thatang gimna phatuam hi. Hunbei phatuam hi. Hun in sum hi, ci-in Europe minamte paunak om hi. Aaktui tangkhat leinop manin innsim bansik kullo hi. Mun tuamtuam pan-a hong pai minam kim om a, pilna namkim om a , thuthak theihna manlaang hi. Koimun ah bang thu piang hiam? Koimunah bang van kingah hiam? Kuate in bang naseem? cih ahi zongin, news lamdang tuamtuam zakna manlang hi.
Khamtungaa piang anteh them icihte pen, hong thupi mahmah ding hi. Lonamsia(mint) pen leitungbup in , namsia salo-in namtuisa uh hi. Kideih mahmah hi. Zogam tui omna khempeuhah ciin lohin hoih mahmah hi. Hoihtak ciing leng,tua bek zong, summuhna hoih suakzo hi. Kale, Kalewa,khua khempeuh kipuak thei hi. Adawn kung-4 kihen lel pen US gamah $1.99-$2.19 bangin zuak uh hi. Marketing Center or Shopping Center kician omden leh anteh them zuakte nangawn sumbuukpi a suak dongin khang thei hi.
Sumzian hoihpen eima hanciamna leh kuhkalna ahi hi. Nidangaa moh-hinn-kha a zuak numei khat pen Bazaar pi sungah puanzuakin kidawk dekdekin pheitut zeizai kamu ngei hi. Sum pen a luanna munah kimu hi. Shopping Center tawh a kinawk den khat in lampi khat teitei mu hi. Chanthagyi khua sanggamte khat zatui palen tawm tawh, kawlkaiteh tawh Letpanchaung bazaar paitawntung hi. Tu-in taih-khann khat sungah tu ziuziau hi. Lom-omna khempeuhah zaitakin kiseem thei a, khantohna hong tawsawn zo hi.
3. Social Life Inter-married : Pupate hunin zehtan tam mahmah hi. Kaunei kihta uh hi. Beh leh bawng tawh kidei uh hi. Khua khat leh khua khat kidei uh hi. Mualkhup kingenin buai thei hi. Pau kibanglo nam kidei uh hi. Tudong mahin gimnam tawlnga lo hi. Hih haksaatnate pen kikawmna omlo hangaa piang buaina ahi hi. Ei ciangciang pen Inter-married min puaktak lo hi. Namdang tawh teng hilo-in unau teeng ciang kihi lel hi. Tulai khangthakte pen a geinai aa nawkkhak peuh tawh lungkim pah lel uh hi. Kinawkna tawmlua ahihmanin kidang muh pongmawk ihi hi. Namdang tawh teng cih lipkhapna zong leitungbup level batlahna namkhat ahi hi.
Mizo gamah Kala tawh teng tam mahmah hi. Mizo pau pau u-a kuaman Kala-in mutuanlo hi. Kawl tawh iten ciangin manthanpih lo-in eikam einam itsak zo peuh leng hipah lel hi. Ka-u numei Lusei galkap khat tawh hong kiteng hi. Eipau mah zang melmel hi. Eimi lakah tualbial hi. Kanu-kapa in pakta mahmah hi. Innkuanpihin Lusei kaneihman un, Mizo pen lamdang etna omnawn lo pah hi. Ka tanu in Karen pasal khat hong nei hi. Nu aw, Pa aw hongci hi. Eimi mahtawh kikhawl hi. Ama hangin Karenmi dangetna kanei nawn kei uh hi. India Prime Minister Ragit Ghandi in mikang zi nei hi. India minamte aadingin nakpi-in naseem hi. Minam khat leh khat kidalna kawmpi i sukpai zawh mateng khantohna zekai ding hi. Kideidanna leh ki-elna tawh khangtawntung hunbei ding hi.
Zoleitang, S.Chin State pan N.Chin State dongin minamdangin kituat loding hi hang. Kidalna wall kawm khunglo ding hihang . Ih tate hong kiten leh ki-itna khangsakin mualkhup tawh gawtlo ding hihang. Japan minam pen nidangin neu mahmah uh hi. Minam dang khaici la-in Intermarried nakpi bawl hi. Pumpi gol bek lo-in khuak thahaat hi. Pilna khang hi. Siamna khang hi. Minam dang tawh kiten pen manthanna hikhin lo hi. Tuhun Kawl kumpi inzong Kawlte pen meelsia kisa u, a ci vomin milak phulzo kisalo hi. Kumpi in, (Chinese) Sen minam ut bangaa hong lutsak pen minam meelhoih nang leh pilna leitung dang abat nading ngimna nei hikha ding hi.
Kawlgam ah kahbia teng hoih a, zong pilin midang sangin hauzaw pah uh hi. Kei utthu bang hileh mikaangte Zogamah tampi zi leh ta-in ciahpi zoleng ka-ut mahmah hi. Mikang te Zopau bektawh hong pau leh Zomi hilel ding hi. Tuhunin haksatna hangin minam alom atangin a lut hangin, nidang hunhoihlai-in US kumpi in, pilna nei, siamna nei vakna-nei mite bek lutsak hi. Ih tanute in mipil aneihleh ih gam hong ciahpih hen. Pasalte in minamdang mipil zi aneih leh ih gam hong ciahpih hen. Tua hileh mipilgam-mi melhoih gam kisuak ding hi.
4. Leadership Kiteelna: Khuasungmite ahauh ciangin, khuabup khangto kici a, khua khempeuh hau-in akhatoh ciangin gam khangto kici hi. Gam leh minam puahtheihna power a nei taktak pen khua-hausa leh upate ahi uh hi. Mipite kamkaih a len a keem pen Hausa leh Veeng-upate hipi pen zaw hi. Khua khantohna pen hausa-upa makaih-siamna tungtawnin khangto ahi hi. Khua khempeuhah galmuanna a om ciangin gambuppi galmuang zopan hi. Khua siangtho cidam nang a keem pen hausa ahi hi. Numei naupang pilnalam a tawsawn pen hausa ahi hi.
Gambupi hoihna leh khantohna pen khuaneu pen pan kipanin a golpen dong ahoih ciangin gambuppi khangto ahi hi. Gam leh minam a makai taktak pen Hausa leh Veeng-upa ahi hi. Hausa nateel ciangin; Beh leh nam sihsanin teel kei in. Pawlpi khat leh khat kidemin teel kei un. Khua leh tui aading kipumpiak deihsakna liante en masa un. Pasian zahtak biaknami teel huai hi. Zomite mit hong honsak Zeisu ahi hi. Tuhun leitung dangtawh kikim kalsuan hun ahih ciangin mihoih ahih nakleh laisiam degree nei, mipi haksatna mu a, a tunglam phulzo mipil teel un. Sumbawl cimawhte teel kei un. Zuhai-zuduh teel kei in. Zunete in a hun tamzaw zuneekna-in beisak hi. Golhsum ne thei hi. Zualzangin numei tungah paktat thei hi. Tua bang mite in, mipi nautang hoihna dingin na tampi semzo lo uh hi.
Tuhun khangno thahaatlai a tamzaw gampua ah sum zong uh hi. Hausa makaite muang le-u khua leh tui aadingin pia nuam mahmah uh hi. Abeisa hunte-ah kipawlna sum, or taangsum kizatnate pen amu-amal kilanglo tamzaw hi. Tua ahih ciangin kipawlna khat peuh pen kuaman support ngamlo uh hi. Makai kisam ahi hi.Minam-it gampuahnuam khempeuh in, khuakimah Hausa kician, mipil-misiam, Pasian zahta biakna-mi, khanglai thahaat, khua leh tui a it teel ciat ni.
5. Cultural Movement: Minam icihpen ciaptehna omciat hi. Tua ciamtehna sungah kizem kizepna pen Zo-Ngeina kici nuam diak se hi. Tua tawh kizui-in Zo-Ngeina pen zolaam leh zolaa cihtawh hong kizuito pah hi. Christian kipatcil sangin muhna zaizaw ta hi. Ngeina leh Biakna kithei siam mahmah ta hi. Biakinn konghonna, Kikhopi honna, political party nasepna bek hilo-in biakna makaihna tuamtuamte in, Zo-laa leh Zo-laam tawh kihong kimu mun mahmah hi. Tua pen minam bup mit kihonna namkhat hi a, lungdam huai mahmah hi. Zo-Ngeina leh Zo-laam,Zo-laa tawh Pasian min kiphat thei cihthu kiphawk mahmah ta ahihman ahi hi.
Khangno lam i et ciangin, Ngeina zangnuam, laam nuam, lasa nuam mahmah napi u a makaih ding omlo hi. Khuado pawi, Zo-minam-ni, leh hun thupi kempeuh ah kizan nuam hi. Nitumna gamah, tua bang pattahna pen private Business danin CLUB tuamtuam hong uh hi. Laam sinna , lasak sinna, khuangtum sinna, daktum sinna, cih bang neih huai mahmah hi. Tua munah Culrural Staff vantuamtuam kizuak hi. Muciacal equipment namkim kizuak hi. Lutman tumman leh fees tuamtuam tawh business hoih mahmah suak hi. Kikaihkhopna thupite ah amaute makai-in entertaintment tavuan la uh hi. Actors, Actress ahi Kineihsiam numei-pasal pantah uh hi. Mipi bangmah theilote Pupa-Ngeinate a hunhunin lak uh hi. Taangvante kaikhawmin Ngeina kepna phualpi suaksak hi. Khangthak khantohnate i phak dongin delhin, khanglui ngeinate zong kepdan i siam ding hi. Ngeina sinna-mun CLUB neihhuai hi.
6. Artistic tawh nasepna: Siamneel'-pilna, Artistic thupi mahmah hi. Laigelh-siam, cartoon-siam, ciamnuih-siam, laphuak-siam, lasa-siam, laam-siam, kineih-siam, kizuun-siam, kisam hi. Political mipil misiam tampi panin doctrine leh policies hoih mahmah tampi a omzongin mipi sung huzaap ding haksa mahmah hi. Cartoon-siam, ciamnuih-siam, laphuak-siam, lasa-siamte in, mipi tel theih dingin, limtawh lakin, langaih tawh sa-in, ciamnuih tawh hong telkheh khiat ciangin mipi lungsungah lutin huzaapzo pan ahi hi. Zomi a khangkhangin Ciamnuih-siam omtoto hi. Minambup zuunzo dingin, society kipawlna neih huai hi. Nuih zak huai beklo-in, ahoih leh ahoihlo, kilawm leh kilawmlo, uphuai leh uphuailo thu tampi musak hi. Gam itna khangsak, minam kipumkhatna khangsak ciamnuih kisam hi. Mihingte teisak, mitvak sak hi. Cartoon limsuai-siam te tung panin i telloh thu kitel baih hi. Laitampi sim kullo hi. Thu saupi ngaih kullo hi. Cartoon mipilte in enkhatin thuthuk tampi pholak thei hi.
Laphuak-siam leh Lasak-siam: Lasiamte lasakna tungtawnin khitui luang dongin lungsim sukha thei hi. Thangpai-in hangtakin khensatna pia thei hi. Lasa siam leh laphuakte in mihing lungsim zobaihin deihdeihin kiheisak hi. Galhanna la kisa leh galkapte in galsim ding leh sih ding kihta lo hi. La in ki-itna khang sak hi. Meidawite hangsan sak hi. Kiphasakte lungsim neemsak hi. Naupangno panin khangham dongin la zawhloh mi omlo hi. Zomite khantohna leh kipumkhatna a manlan nadingin hihthu teng kisam masa kasa hi. Keipen teekta, cidamnalam zong hoihlualo kahihmanin kalung sungaa kavei thute hong gelh zel kahi hi.
Written by - Thang Siangh
Source by - Tongsan
Patriotic: Nam-itna Lungsim: Gam leh Minam khantohna khaici hoihpen, Nam-itna ahi hi. Nam-itna lungsim omlo-in minam kipuah nuamlo thamlo-in kipuah theilo ding hi. Minampuan silna bektawh minam-itna kicinglo ding hi. Nam kibangte tenpih ciang bek tawh kicinglo hi. Namdang tenpih zong minam langpang hituanlo hi. Nam-it nasep mapan dan kibangkim theilo hi. Pawlkhat in thautawi nuam ding hi. Pawlkhat in political party tawh kalsuan nuam ding hi. Pawlkhat in biakna kipawlna tawh nam-itna sep sawm ding hi. Nam-it ngentang ahi uh hi. Hih kipawlna sungaa kihello nam-it mitammahmah hi.
Nam-lungsim[Racism] leh Nam-itna[Patriot] pen kido tawntung hi. Nam-lungsim neite in power zangin thanem zawte nuainen[nengniam] hi. Nam-itte in tua nuainenna pan suahtakna a ngah nadingin dalin do uh hi. US gamah avom leh akaang minam kitelkhialhna ol mahmah hi. Racial Discrimination a tawmna dingin United Nations in Human Rights thukhun [Articles-30] bawl uh hi. Hih thukhunte in, minam deidan omlo-in mimal khempeuh a kibangin Right ngah theihna ding leh bitna[security] a neih nading ahi hi. Nam-itna Lungsim (Patriotic] bang hiam?, Nam-lungsim [Racism] bang hiam, ci-in khentel theih ding kisam hi. Minam it aa kinei-in namdang khempeuh galmuh ding zong hilo hi. Minam khualnate Nam-lungsim ih sak ding zong lauhuai hi.
[Racism] Nam-lungsim. Majority kici population tamzawte in minority kici population tawmzawte tungah power zangin ukcip nuam uh hi. Mel leh sa kibanglo, pau kibanglo, ngeina leh biakna kibanglo, pilna a saang a niam, a zawng a hau sungaa a piang tawntung buaina ahi hi. Human Right tawphah-a kibawl Constitution tawh ki-ukna gamte-ah phadawm zawdeuh hi. Nidangin Europe gam leh nitumnalam gamte-ah avom-akaang kideidanna nasia hi.
Mikaang khat in mivom spouse aneih leh khang-7 dongin mivomin kiciamnteh hi. Kiciamteh cih ciangin, a Right kibanglo hipah hi. Pilna-Saa'ng, Biakinn dailenna-buuk, club tuamtuam, vanleeng, tembaw, meileeng, tuanna akaang leh avom kidei hi. Signboard tungah " WHITE ONLY" ci-in a kisuan ciangin nam dang khempeuh lut theilo hi. Tudongmahin [Human Right] tampi kipia hinap-in, taangtawng-a kipan a tawphah nencipna hangin galkap officer 200 sungah color khatbang bek kihelzo pan hi. Color neite a khanzah dingin khangkhia zolo uh hi.
WW II ma-in a kaangte simloh vanleeng kihawlsak lo hi. Outstanding lua mahmah ahihkei ngaalleh a kaang simloh zaa kipialo hi. Employment lamsangah position kibang napi payment rate kibanglo hi. Benefit tuamtuam ngahdan kikim lo hi. Zumsung, khualzinna facility kibanglo hi. Me nangawn pia theilo uh hi. A
kaangte ciangin misisate vote nangawn lalai mawk uh hi. Nam-lungsim neite in namdangte nuainenin bawlsia hi.
Kawlgam dinmun: Ei Kawlgam minam buaina [Racial Discrimination] pen tuhun asiapen laitak ahi hi. Tribal minority te nencip nopna hangin Constitutions omlo-in Marshall Law tawh thongkia uk bangin kum100 dektak hong ki-uk hi. Kawl minam bek khansuah nuamin Strategy lian mahmah nei uh hi. Budhism pen gambup biakna hiding ci hi. Tua laigualkhat hangin Budhist lo khempeuh sihna dumsung hong tun ahi hi. Budhist aading ciangtan omlo-in lampi honsa-in kikoih hi.
Christian biakinn lam nang leitang letmat khat zong hong pialo hi. Biakinn-lui puah ding leh behlap ding phallo hi. Singlamteh kitung khempeuh satpai hi. Budhist lokhempeuh in, teeltheihna [freedom of choice] lamkhat zong ngah lo hi. Pilnalam kisum hi. Business kisum hi. Political lamah kisum hi. Luphong lo dingin hong gawicip ahi hi. Palik-Galkap Budhist hilo khempeuh santhum(Sgt) tungkan piakloh dingin thukhung uh hi. Gammite sangin gamdang Sente [Chinese] in Right nei zaw uh hi.
Freedom of ownership hong pialo hi. Mipi neihsa, inn, lo, motor, ganhing, mihing i zi-itate dongin adeih bang muhgegu-in zang uh hi. Project khatpeuh paulamin, mipi tenna inntul innza kikhinsak hi. Kachin gam, Kale airport expand nading inn lehlo kip tampi hawl khia uh hi. Relocation geelna nei tuanlo hi. Natural disaster huihpi-pingpeii, ziinliingpite, tuipi hual cyclone suksiat zahmahin sehuai hi.
Kawlmi khat aadingin nakhempeuh kihong hi. Tribal minority minam aading khatzong kihong lo hi. Tribal thuakzah a thuak khalo, Kawl-mipite nangawn in haksa sa uh hi. [Force Labour] Thaman pialo-in mipite amau anguai tawh naseem sak hi. Amau neek ding zonhun omlo ahihmanin mipi kiallua-in pulnatna tawh sisi uh hi.
[Racism=Nam-lungsim tawh ki-ukna hang thupiangte]
Patriotic: Nam-itna Tawh Kisai: Patriotic Nam-itna neite in nuainenna pan suahtak nadingin Independent ngenin kidona piang tawntung hi. Liberation Movement tuamtuam hong om hi. American in sisan tampi luangin British Colony khut sung panin 1776 kumin suahtakna la uh hi. Abraham Lincoln in sila suahtakna pia napi khindai zolo hi. 1960 pawlin avom leh akaang Equal Right ngenin nuntakna tampi mah in manthan lawh hi. Mivom makaipa Martin Luther King kikaplum hi. Biaknalam zong Patriotic om veve hi.
Martin Luther in khate suahtakna dingin [Upna Thesis 90] Biakinnpi mai-ah suang hi. Minam itte in amau gam ciat panin puahphatna(Reformation) bawlin nakpi-in taangko uh hi. Mi tultul thenthen in sihlawh hi. Rome galkapte leh Calvanism pawlte bang thau mahtawh a kikap tangtang uh ahi hi. Tua lo-in mipi numei naupang deih bangin banthah mawk uh ahihmanin thatang mahtawh dalhun om zel hi.
Ei Kawl kumpi zong Racial Discrimination pressure khaulua a, kithuak zolo ahihmanin, Patriotic Movement hong khang ziazua hi. Federal State ngenin thautawi gamnuaimi{Underground Movement} tampi kipan uh hi. KNU, KNLA, SSA, KNPP, NDAA, UWSA, ABSDF,CNF, ZORA, ects gamnuai tapung a dimin om hi. Hih khempeuh pen Patriotic Movement ahi hi. Nam-itna pen sisan kiat dongin piak kul thei hi.
Political party tuamtuam panin, UN leh Asian Pacts khawngah huhna ngenin lungphona [Demonstration] nei uh hi. Aung San SuKyi leh NLD makai khempeuh, ZNC makai U Cin Sian Thang leh party leader khempeuh thong sung denna hi. Amaute deih bulpi pen launa omlo-a lungmuangtak a om theihna ahi hi. Human Right ngen ahi hi. " Human Rights means the right of all people, to live in peace,without fear." [Hih a tung-a khempeuh pen Nam-lungsim neite leh Nam-itte kibatlohnate lahna ahi hi.]
PTHAU TAWILO, POLITICAL ARTY LUTLO, NAM-ITTE NASEP.
Political party sung kihello, biakna TUAMTUAM leh kipawlna tawh kisawhpawilo, khua leh tui, gam leh minam naseem nuam tam mahmah hi. USA katun ciangin US citizen suah nang kahan ciam hi. Gammi hoih kasuak nuam hi. Political party tuamtuam tawh kizop ka ut kei hi. Kapawlpi-ah kikhawmin, politic party tawh kigamla theithei-in ka-om hi. Ahih hangin gam leh minam aadingin septheih tampi om hi. Khantohna manlaang thei dingin kiseem thei hi. Mikhatpeuh ankuangzonna Raw-material kasuahloh nang ka kikeem hi.
1. Communication; Kikawmna leh kisukkhakna. Leilam kikawmna. Mihing leh ganhingte pen kisukkhana , tungtawnin kingaihna kilamnaihna piang
hi. Muh ngei khat leh muh ngeihloh mikhat tawh kituak leng kiho dan kidang hi. Maitai dan kidang hi. Ki-itna leh kipumkhatna a olzawk nangin bual khawm, seemkhawm omkhawm , ding kisam hi. Ei Zomite hong kikaksak hong dongkholh mahmah pen,Communication kikawmna tawm lua hi. Leilam zui a kikawmna motor, meileeng, setbing, sakolleeng, bawngleeng, zattheih dingin, lamlian bawl kul hi.
Vanlam huihlak zang a kikawmna ahi Tele-communication, TV, Radio tawh kikawmna kisam hi. Tulaitakin Sia Vum Za Nang leh galkap kumpite kithuah a, motor lam a hanciam laitak uh ahi hi. Amau hanciamnate i theihpih khit loh hangin, lampi hoih pen a kisam mahmah khat ahi hi. S.Chin State pen Budhist ahihmanin puah cihtakin kumpi in puahsak hi. Ei N.Chin State pen mitkeuhin hong khemzawh ngaplo uh ahihmanin huh ding cih genloh, eitha tawh ding nangawn kingenlai mawk hi.
Ahi zongin ei khua ei tui puah ding pen thasial ding hilo hi. Galkap power zangaa mipitha suk ding zong hilo hi. Nasep-hun leh lamtawh hun gelsiam kul hi. Gampua leh kumpi lampan huhna Fund a omleh zong mipi noptuam nangmahin zek huai hi. Galkapte pen mipi ngah dingteng ne -in mipi a sih donga zanghte ahi uh hi. Lampi kikawmna pen pumpi mahmah kizopna leh kikholhkhopna thahaat manlaangsak hi.
Huihlak kikawmna: Internet leh Phone kiho-in zinei-pasalnei tampi om hi. Cikmah aa kithei hilo hi. Huihlak kizopna pen TV,Phone, Radio, Computer cihte ahi hi. Tua khempeuh nuamtakin i zat theih nadingin Electric power kisam hi. Kapteel khua-ah Hydro Electric kadeihsak manin Teng-70 kapia hi. Tua tawh bangmah kiseemzo lo ahihmanin Dr Suan Za Dong in maban nong nazopsak hi. Motor lam khawng kadeih hangin kei pen teeklam leh thakiamlam manawhta kahihmanin kahuhzo nawn kei hi. Tua kacih ciangin kong kisialhna hilo hi. Khamtungah mei kisamlua cih kakin ziate hong lak kahi hi. Electric power ngah nadingin lampi tuamtuam om hi.
Huihpanin Wind-power tawh ngahna pen vanlianin ei zat zawh ding hilo hi. Hidro Electric pen ei kiangah tuitha kicing ding hamsa hi. Meitei gunpi daltan zo ding ihih kei ngal leh ollo hi. Khamtungah tuitha zat theih ding tawm mahmah hi. Tuihoihna khempeuhah hanciam huai hi. Ahi zongin Solar Backup Generator zangin mei kingah thei hi. A diakin ei Zogam aading hoih penpen hi. Inn simah neihzawh nang hanciam huai hi. Ei mah bang leitung gamneu khangto cil ten nakzat mahmah uh hi. China, India, Afghanistan, Nepal cihte pan kinak bawl mahmah hi.
Nitaang pan aa kila ahihmanin ei aading lampi hoihpen hiding hi. Electric power hoihtak ngah hileng, TV, Radio, Computer, Phone deih bangin kizang ding hi. Living Standard thakhatin hong domkang' ding hi. Khantohna pen manlang mahmah ding hi. Mit hong vak ding hi. Business nasepna tuamtuam hong tangzai ding hi. Sangnaupang leh pilnalam computer system tawh na kiseem thei ding-a, leitung bup zakimin pilna kingahzo ding hi.
2. Economic lamtawh kizopna: Marketing Center Leitung mihing kihuzaapna hoihpen sumbawl-sumzuakna panin khangto mahmah hi. Kikawmna hoihlohna hangin a kiseem theilo tampi om hi. Shopping Center-Bazaar nangawn Tedim khuapi cikankanin kimualsuah zolo hi. Hihmunah, Zomi khantohna hong khaktan thanemna om kha ding hi. Ukna aana zatzia leh cihtakna kitaangsam hithei ding hi. Makaite in a nasep nungzuihlo hiding hi. Shopping Center-Bazaar om manin kisukkhakna tam a, kamtawh kigen theilo khuamuhna piangsak hi. Business thahaatna munah mite teitanga civilization manlang pah hi.
Tedim-milo khempeuh omna-ah Bazaar neizo ciat hi. Eisangin manlangin hong teitang zaw hi. Bazaar i picinloh pen namdangte batlahna namkhat ahi hi. Shopping Center-Bazaar khua kimah om leh, taangsapna khat a om ciangin, tuamun direct kidelh pah hi. Thatang gimna phatuam hi. Hunbei phatuam hi. Hun in sum hi, ci-in Europe minamte paunak om hi. Aaktui tangkhat leinop manin innsim bansik kullo hi. Mun tuamtuam pan-a hong pai minam kim om a, pilna namkim om a , thuthak theihna manlaang hi. Koimun ah bang thu piang hiam? Koimunah bang van kingah hiam? Kuate in bang naseem? cih ahi zongin, news lamdang tuamtuam zakna manlang hi.
Khamtungaa piang anteh them icihte pen, hong thupi mahmah ding hi. Lonamsia(mint) pen leitungbup in , namsia salo-in namtuisa uh hi. Kideih mahmah hi. Zogam tui omna khempeuhah ciin lohin hoih mahmah hi. Hoihtak ciing leng,tua bek zong, summuhna hoih suakzo hi. Kale, Kalewa,khua khempeuh kipuak thei hi. Adawn kung-4 kihen lel pen US gamah $1.99-$2.19 bangin zuak uh hi. Marketing Center or Shopping Center kician omden leh anteh them zuakte nangawn sumbuukpi a suak dongin khang thei hi.
Sumzian hoihpen eima hanciamna leh kuhkalna ahi hi. Nidangaa moh-hinn-kha a zuak numei khat pen Bazaar pi sungah puanzuakin kidawk dekdekin pheitut zeizai kamu ngei hi. Sum pen a luanna munah kimu hi. Shopping Center tawh a kinawk den khat in lampi khat teitei mu hi. Chanthagyi khua sanggamte khat zatui palen tawm tawh, kawlkaiteh tawh Letpanchaung bazaar paitawntung hi. Tu-in taih-khann khat sungah tu ziuziau hi. Lom-omna khempeuhah zaitakin kiseem thei a, khantohna hong tawsawn zo hi.
3. Social Life Inter-married : Pupate hunin zehtan tam mahmah hi. Kaunei kihta uh hi. Beh leh bawng tawh kidei uh hi. Khua khat leh khua khat kidei uh hi. Mualkhup kingenin buai thei hi. Pau kibanglo nam kidei uh hi. Tudong mahin gimnam tawlnga lo hi. Hih haksaatnate pen kikawmna omlo hangaa piang buaina ahi hi. Ei ciangciang pen Inter-married min puaktak lo hi. Namdang tawh teng hilo-in unau teeng ciang kihi lel hi. Tulai khangthakte pen a geinai aa nawkkhak peuh tawh lungkim pah lel uh hi. Kinawkna tawmlua ahihmanin kidang muh pongmawk ihi hi. Namdang tawh teng cih lipkhapna zong leitungbup level batlahna namkhat ahi hi.
Mizo gamah Kala tawh teng tam mahmah hi. Mizo pau pau u-a kuaman Kala-in mutuanlo hi. Kawl tawh iten ciangin manthanpih lo-in eikam einam itsak zo peuh leng hipah lel hi. Ka-u numei Lusei galkap khat tawh hong kiteng hi. Eipau mah zang melmel hi. Eimi lakah tualbial hi. Kanu-kapa in pakta mahmah hi. Innkuanpihin Lusei kaneihman un, Mizo pen lamdang etna omnawn lo pah hi. Ka tanu in Karen pasal khat hong nei hi. Nu aw, Pa aw hongci hi. Eimi mahtawh kikhawl hi. Ama hangin Karenmi dangetna kanei nawn kei uh hi. India Prime Minister Ragit Ghandi in mikang zi nei hi. India minamte aadingin nakpi-in naseem hi. Minam khat leh khat kidalna kawmpi i sukpai zawh mateng khantohna zekai ding hi. Kideidanna leh ki-elna tawh khangtawntung hunbei ding hi.
Zoleitang, S.Chin State pan N.Chin State dongin minamdangin kituat loding hi hang. Kidalna wall kawm khunglo ding hihang . Ih tate hong kiten leh ki-itna khangsakin mualkhup tawh gawtlo ding hihang. Japan minam pen nidangin neu mahmah uh hi. Minam dang khaici la-in Intermarried nakpi bawl hi. Pumpi gol bek lo-in khuak thahaat hi. Pilna khang hi. Siamna khang hi. Minam dang tawh kiten pen manthanna hikhin lo hi. Tuhun Kawl kumpi inzong Kawlte pen meelsia kisa u, a ci vomin milak phulzo kisalo hi. Kumpi in, (Chinese) Sen minam ut bangaa hong lutsak pen minam meelhoih nang leh pilna leitung dang abat nading ngimna nei hikha ding hi.
Kawlgam ah kahbia teng hoih a, zong pilin midang sangin hauzaw pah uh hi. Kei utthu bang hileh mikaangte Zogamah tampi zi leh ta-in ciahpi zoleng ka-ut mahmah hi. Mikang te Zopau bektawh hong pau leh Zomi hilel ding hi. Tuhunin haksatna hangin minam alom atangin a lut hangin, nidang hunhoihlai-in US kumpi in, pilna nei, siamna nei vakna-nei mite bek lutsak hi. Ih tanute in mipil aneihleh ih gam hong ciahpih hen. Pasalte in minamdang mipil zi aneih leh ih gam hong ciahpih hen. Tua hileh mipilgam-mi melhoih gam kisuak ding hi.
4. Leadership Kiteelna: Khuasungmite ahauh ciangin, khuabup khangto kici a, khua khempeuh hau-in akhatoh ciangin gam khangto kici hi. Gam leh minam puahtheihna power a nei taktak pen khua-hausa leh upate ahi uh hi. Mipite kamkaih a len a keem pen Hausa leh Veeng-upate hipi pen zaw hi. Khua khantohna pen hausa-upa makaih-siamna tungtawnin khangto ahi hi. Khua khempeuhah galmuanna a om ciangin gambuppi galmuang zopan hi. Khua siangtho cidam nang a keem pen hausa ahi hi. Numei naupang pilnalam a tawsawn pen hausa ahi hi.
Gambupi hoihna leh khantohna pen khuaneu pen pan kipanin a golpen dong ahoih ciangin gambuppi khangto ahi hi. Gam leh minam a makai taktak pen Hausa leh Veeng-upa ahi hi. Hausa nateel ciangin; Beh leh nam sihsanin teel kei in. Pawlpi khat leh khat kidemin teel kei un. Khua leh tui aading kipumpiak deihsakna liante en masa un. Pasian zahtak biaknami teel huai hi. Zomite mit hong honsak Zeisu ahi hi. Tuhun leitung dangtawh kikim kalsuan hun ahih ciangin mihoih ahih nakleh laisiam degree nei, mipi haksatna mu a, a tunglam phulzo mipil teel un. Sumbawl cimawhte teel kei un. Zuhai-zuduh teel kei in. Zunete in a hun tamzaw zuneekna-in beisak hi. Golhsum ne thei hi. Zualzangin numei tungah paktat thei hi. Tua bang mite in, mipi nautang hoihna dingin na tampi semzo lo uh hi.
Tuhun khangno thahaatlai a tamzaw gampua ah sum zong uh hi. Hausa makaite muang le-u khua leh tui aadingin pia nuam mahmah uh hi. Abeisa hunte-ah kipawlna sum, or taangsum kizatnate pen amu-amal kilanglo tamzaw hi. Tua ahih ciangin kipawlna khat peuh pen kuaman support ngamlo uh hi. Makai kisam ahi hi.Minam-it gampuahnuam khempeuh in, khuakimah Hausa kician, mipil-misiam, Pasian zahta biakna-mi, khanglai thahaat, khua leh tui a it teel ciat ni.
5. Cultural Movement: Minam icihpen ciaptehna omciat hi. Tua ciamtehna sungah kizem kizepna pen Zo-Ngeina kici nuam diak se hi. Tua tawh kizui-in Zo-Ngeina pen zolaam leh zolaa cihtawh hong kizuito pah hi. Christian kipatcil sangin muhna zaizaw ta hi. Ngeina leh Biakna kithei siam mahmah ta hi. Biakinn konghonna, Kikhopi honna, political party nasepna bek hilo-in biakna makaihna tuamtuamte in, Zo-laa leh Zo-laam tawh kihong kimu mun mahmah hi. Tua pen minam bup mit kihonna namkhat hi a, lungdam huai mahmah hi. Zo-Ngeina leh Zo-laam,Zo-laa tawh Pasian min kiphat thei cihthu kiphawk mahmah ta ahihman ahi hi.
Khangno lam i et ciangin, Ngeina zangnuam, laam nuam, lasa nuam mahmah napi u a makaih ding omlo hi. Khuado pawi, Zo-minam-ni, leh hun thupi kempeuh ah kizan nuam hi. Nitumna gamah, tua bang pattahna pen private Business danin CLUB tuamtuam hong uh hi. Laam sinna , lasak sinna, khuangtum sinna, daktum sinna, cih bang neih huai mahmah hi. Tua munah Culrural Staff vantuamtuam kizuak hi. Muciacal equipment namkim kizuak hi. Lutman tumman leh fees tuamtuam tawh business hoih mahmah suak hi. Kikaihkhopna thupite ah amaute makai-in entertaintment tavuan la uh hi. Actors, Actress ahi Kineihsiam numei-pasal pantah uh hi. Mipi bangmah theilote Pupa-Ngeinate a hunhunin lak uh hi. Taangvante kaikhawmin Ngeina kepna phualpi suaksak hi. Khangthak khantohnate i phak dongin delhin, khanglui ngeinate zong kepdan i siam ding hi. Ngeina sinna-mun CLUB neihhuai hi.
6. Artistic tawh nasepna: Siamneel'-pilna, Artistic thupi mahmah hi. Laigelh-siam, cartoon-siam, ciamnuih-siam, laphuak-siam, lasa-siam, laam-siam, kineih-siam, kizuun-siam, kisam hi. Political mipil misiam tampi panin doctrine leh policies hoih mahmah tampi a omzongin mipi sung huzaap ding haksa mahmah hi. Cartoon-siam, ciamnuih-siam, laphuak-siam, lasa-siamte in, mipi tel theih dingin, limtawh lakin, langaih tawh sa-in, ciamnuih tawh hong telkheh khiat ciangin mipi lungsungah lutin huzaapzo pan ahi hi. Zomi a khangkhangin Ciamnuih-siam omtoto hi. Minambup zuunzo dingin, society kipawlna neih huai hi. Nuih zak huai beklo-in, ahoih leh ahoihlo, kilawm leh kilawmlo, uphuai leh uphuailo thu tampi musak hi. Gam itna khangsak, minam kipumkhatna khangsak ciamnuih kisam hi. Mihingte teisak, mitvak sak hi. Cartoon limsuai-siam te tung panin i telloh thu kitel baih hi. Laitampi sim kullo hi. Thu saupi ngaih kullo hi. Cartoon mipilte in enkhatin thuthuk tampi pholak thei hi.
Laphuak-siam leh Lasak-siam: Lasiamte lasakna tungtawnin khitui luang dongin lungsim sukha thei hi. Thangpai-in hangtakin khensatna pia thei hi. Lasa siam leh laphuakte in mihing lungsim zobaihin deihdeihin kiheisak hi. Galhanna la kisa leh galkapte in galsim ding leh sih ding kihta lo hi. La in ki-itna khang sak hi. Meidawite hangsan sak hi. Kiphasakte lungsim neemsak hi. Naupangno panin khangham dongin la zawhloh mi omlo hi. Zomite khantohna leh kipumkhatna a manlan nadingin hihthu teng kisam masa kasa hi. Keipen teekta, cidamnalam zong hoihlualo kahihmanin kalung sungaa kavei thute hong gelh zel kahi hi.
Written by - Thang Siangh
Source by - Tongsan
KAWL GALKAPTE LEH kACHIN ( KIO)TE KINUAI TA
Kawlgam ah, Uital te in,thankik bang in athu uh lumlet suk/to ta mah leh ami kibang veve hi in, kiteelna abawl pongmawk uh hang,Vangak Utong kineih vive mah hong kahto kik uh a, UN leh leitung gam tuamtuam in amuanna ding peuhmah om lo tektek hi. Tua kawmkal ah,Zomi te in, mimal angsung ding khawng peuh leh, sumpaai hang maw,min deihna hangmaw cih tawh, hih kawl Uitak te tawh nasemkhawm ding alunglut leh asemsem zong ih om ta hi.
Tuni in, Ih Beh te ahi, Kachin KIA galkap te leh Kawl galkap te ki kap tuah ta uh a, hihthu pen, meikuang bang in hong kuang kik ding lam et omzaw hi. A beisa DKBA te hong dinkhiat na thu nisim ih theih tek hi a, KNU tawh hong ki pawl thei ziau in, ASSK leh mualtung mite tawh second panglong a ki bawlsiang masiah hih tualngal bei pak nawn lo ding hi.( Na up keileh na en cik mah in )
KIA te pen galkap thei sisen 25000 val nei uh a, galvan hau in, sum leh pai zong ki tasam lo uh hi. Tua mah bang in, Wa minam ( UWSA ) te leuleu zong, galkap galdo thei sinsen 35000 val pha uh hi. Kachin te leh Wa te pen, vom acih uh leh vom aci tuak hi a, Revolutionary akipat tung in,Burma Communish Party sung ah aomkhawm vive ahi uh hi. Wa makai sung ah Kachin te tampi om in, atawntung in kizom den uh hi.
Hih Behte ahi Kachin army leh kawl uital nautang te hong kikap na hang in, Wa ( UWSA ) te hong lawh ding a,SSA te leh Kayan te hong kilawh suak in,Taungkyi kuam a om, Pa-oh minam te tawh zong hong ki zom suak lai dinghi. Kawl galkap thau tawi galdo thei taktak pen, 70000 val deuh ahih leh tampen ding hi.Kumpi nasem khempeuh tawh a gawmciang bek in, 500000 (Sang nga ) khawngbek ahihi.Mualtung mi galvan tawi galdo thei khempeuh kigawm leh 130000( sang khat leh then thum) kim bang pha ding a, abeisa 1989 kum akipan, Cease Fire ( kido khawlna ) aneih uh pen, Kachin ,Wa leh SSA North te ahi a, atha nem SSA-N te zawh tawh bawl mahmah uh hi.
Kachin leh Wa tawh hong ki nuai hun ciang in, nasia mahmah ding a, tua thu khempeuh second panglong thu kikupna bek in, hong lemzo ding hi.Tua ahihman in, Zomi te in, tua hun hong tun ma in,bang cibang in, kalsuan in, mapang in, ih minam ih gam suahtak nading leh ih generation khang tampi en kawm in, ih vaihawm ih ngel ding hong kisam ta hi.
Veina bek tawh, mimal muhna pan,
Source by - Tongsan group mail.
KIA te pen galkap thei sisen 25000 val nei uh a, galvan hau in, sum leh pai zong ki tasam lo uh hi. Tua mah bang in, Wa minam ( UWSA ) te leuleu zong, galkap galdo thei sinsen 35000 val pha uh hi. Kachin te leh Wa te pen, vom acih uh leh vom aci tuak hi a, Revolutionary akipat tung in,Burma Communish Party sung ah aomkhawm vive ahi uh hi. Wa makai sung ah Kachin te tampi om in, atawntung in kizom den uh hi.
Hih Behte ahi Kachin army leh kawl uital nautang te hong kikap na hang in, Wa ( UWSA ) te hong lawh ding a,SSA te leh Kayan te hong kilawh suak in,Taungkyi kuam a om, Pa-oh minam te tawh zong hong ki zom suak lai dinghi. Kawl galkap thau tawi galdo thei taktak pen, 70000 val deuh ahih leh tampen ding hi.Kumpi nasem khempeuh tawh a gawmciang bek in, 500000 (Sang nga ) khawngbek ahihi.Mualtung mi galvan tawi galdo thei khempeuh kigawm leh 130000( sang khat leh then thum) kim bang pha ding a, abeisa 1989 kum akipan, Cease Fire ( kido khawlna ) aneih uh pen, Kachin ,Wa leh SSA North te ahi a, atha nem SSA-N te zawh tawh bawl mahmah uh hi.
Kachin leh Wa tawh hong ki nuai hun ciang in, nasia mahmah ding a, tua thu khempeuh second panglong thu kikupna bek in, hong lemzo ding hi.Tua ahihman in, Zomi te in, tua hun hong tun ma in,bang cibang in, kalsuan in, mapang in, ih minam ih gam suahtak nading leh ih generation khang tampi en kawm in, ih vaihawm ih ngel ding hong kisam ta hi.
Veina bek tawh, mimal muhna pan,
Source by - Tongsan group mail.
LEITUNG AH MINAMPI THUM Om
Written by Tongsan PuWednesday, 09 February 2011 01:56
Leitung ah mi nam 3 bek ki om a, tua mi nam 3 ten' Leitung ah tomkha sung a nuntak nading un, a mau mun ciat pan in, Sum le Paai zong ciat uh hi. Tua Mipi Nam thum te pen, (1) Political, (2) Religious, (3) Business (Social) te uh ahi hi.
(1) Political
Lei tung ah, Gam a kici khem peuh uh a mau in uk in, a piang van khempeuh leh nuntak na neikhempeu a mau in ukcip uh hi. Thu neih penpen in om uh a, Gam sung khan to na ding ahihzongin vai hawm uh a, Mihing ten' a zuih ding, ki ukna LAW ahih zong in na neih ciat uh hi. Tua Law taw a kituak lo peuhpeuh, susia ngawp sak lel uh a, kuamah in thukkik ngam lo hi. A thukkik a om phial zongin zozo tuan lo uh hi. Political lam a sem te in zong, Leitung a nun tak na ding in, Lailam ahih zongin, Gamthu lam ahih zongin, sim in, Sinciat uh a, tua taw a nung ta na hi hi. Gam sung hoih kei leh a mau an nek na ding lampi hoih pah lian mawk hi.
(2) Religious,
Leitung ah Biakna nam tam mahmah om in, A mau up na ciat tawh na kalsuan ciat uh hi. Leitung ah a nuntak sung in, neek leh dawn ding nana zong ciat uh a, a kisam bangbang, Lai lam, Pilna lam a sang theithei in na sim masa uh hi. Tua in a an neek na ding a lim a al zaw ngahna ding ahi hi. Religious lam pawl khat ten' Political te ii khut nuai ah aom hun lam kitheih lo uh a, Political te lang pan mawkmawk uh hi. Tua a langpang peuhpeuh, LAW in thukhen in mitampi in sih lawh Tong kiat lawh uh hi. A mau ii mawkpuak (Tavuan) pi pen a mau biakna ciatciat ah, upna, thuman na, cihtakna, khat lehkhat ki it na, piakkhiat na, ki niam khiatna, Hehpih na, ci-in taangko kawikawi ciat uh a, mipi te theih ding leh zuih zawk nading in, gengen ding pen a mau mawhpuak (Tavuan) ahi hi. Tua bang in an nane uh hi.
(3) Business (Social)
Political leh Religious lam tawh leitung nuntak nading a zong lo, mi khempeuh hi pah hi. Galkap, Kumpi nasem, Company na seam, leh Private na seam khem peu ahi hi. A mau zong Leitung tomkha a nuntak nading in, Pilna a sang theithei, Khut siamna a tuamtuam, ahih theibangbang in na nasim ciat uh hi. A mau ii mawkpuak (Tavuan) pen, khat le khat kibang lo a, Pawlkhat Engineer, Pawl khat Zato lam, Pawlkhat Account lam, Lawyer lam, cih bangin om uh hi. A mau Lai sin na ciat bang in na sem ciat uh hi.
Hih atung a mipi nam 3 ten' a tun nading uh kibang ciat a, tua in, Lei tawh hong kibawlsa, Lei ah ciahkik cih pen a kibang ciat uh hi. Biakna tuamtuam tam mahmah ban ah, a sihkhit ciang in a tunna ding ciat uh lam et na na neiciat uh hi. Sihkhit ciang thu hibek a, tua thu Christian te, Bible MangMuhNa sung ah ih tun na ding leh ih tun ni ding cingtak in kigel hi. Leitung bei i cih pen Nang leh Kei ih sih ni-in leitung a bei nahi hi. Nang na sih khit ciang, Mi ading , nanuntak sung in, a kizangh suak thei ding bawl na neih leh a min hong om suak toto ding a, tua hih kei leh, kum 20 sung ciang bangh na min kilolo ding bek ki hi ciat hi.
Hih Mi nampi 3 ten' Employer kitam khol lo a, Emplyee te kihizaw hi. Pawl khatkhat in, ih dinmun kithei lo in, Employer ki sa kha mawkmawk thei hi hang. Kha sum taw hong kiguai leh nang pen Employer hilo cin a, Employee na hi hi. Kipawlna khat peuhpeuh, Biakna khat peuh ah, Kha sum hong kipiak nakleh nang pen Employee na hih hunlam kitheih ding thu pi a, Employer thu mang nuam lo in nang ma thuthu in na kalsuan leh nang pen hong kinawlkhin ding cih ih thei ding kisam mahmah hi.
(1) Political
Lei tung ah, Gam a kici khem peuh uh a mau in uk in, a piang van khempeuh leh nuntak na neikhempeu a mau in ukcip uh hi. Thu neih penpen in om uh a, Gam sung khan to na ding ahihzongin vai hawm uh a, Mihing ten' a zuih ding, ki ukna LAW ahih zong in na neih ciat uh hi. Tua Law taw a kituak lo peuhpeuh, susia ngawp sak lel uh a, kuamah in thukkik ngam lo hi. A thukkik a om phial zongin zozo tuan lo uh hi. Political lam a sem te in zong, Leitung a nun tak na ding in, Lailam ahih zongin, Gamthu lam ahih zongin, sim in, Sinciat uh a, tua taw a nung ta na hi hi. Gam sung hoih kei leh a mau an nek na ding lampi hoih pah lian mawk hi.
(2) Religious,
Leitung ah Biakna nam tam mahmah om in, A mau up na ciat tawh na kalsuan ciat uh hi. Leitung ah a nuntak sung in, neek leh dawn ding nana zong ciat uh a, a kisam bangbang, Lai lam, Pilna lam a sang theithei in na sim masa uh hi. Tua in a an neek na ding a lim a al zaw ngahna ding ahi hi. Religious lam pawl khat ten' Political te ii khut nuai ah aom hun lam kitheih lo uh a, Political te lang pan mawkmawk uh hi. Tua a langpang peuhpeuh, LAW in thukhen in mitampi in sih lawh Tong kiat lawh uh hi. A mau ii mawkpuak (Tavuan) pi pen a mau biakna ciatciat ah, upna, thuman na, cihtakna, khat lehkhat ki it na, piakkhiat na, ki niam khiatna, Hehpih na, ci-in taangko kawikawi ciat uh a, mipi te theih ding leh zuih zawk nading in, gengen ding pen a mau mawhpuak (Tavuan) ahi hi. Tua bang in an nane uh hi.
(3) Business (Social)
Political leh Religious lam tawh leitung nuntak nading a zong lo, mi khempeuh hi pah hi. Galkap, Kumpi nasem, Company na seam, leh Private na seam khem peu ahi hi. A mau zong Leitung tomkha a nuntak nading in, Pilna a sang theithei, Khut siamna a tuamtuam, ahih theibangbang in na nasim ciat uh hi. A mau ii mawkpuak (Tavuan) pen, khat le khat kibang lo a, Pawlkhat Engineer, Pawl khat Zato lam, Pawlkhat Account lam, Lawyer lam, cih bangin om uh hi. A mau Lai sin na ciat bang in na sem ciat uh hi.
Hih atung a mipi nam 3 ten' a tun nading uh kibang ciat a, tua in, Lei tawh hong kibawlsa, Lei ah ciahkik cih pen a kibang ciat uh hi. Biakna tuamtuam tam mahmah ban ah, a sihkhit ciang in a tunna ding ciat uh lam et na na neiciat uh hi. Sihkhit ciang thu hibek a, tua thu Christian te, Bible MangMuhNa sung ah ih tun na ding leh ih tun ni ding cingtak in kigel hi. Leitung bei i cih pen Nang leh Kei ih sih ni-in leitung a bei nahi hi. Nang na sih khit ciang, Mi ading , nanuntak sung in, a kizangh suak thei ding bawl na neih leh a min hong om suak toto ding a, tua hih kei leh, kum 20 sung ciang bangh na min kilolo ding bek ki hi ciat hi.
Hih Mi nampi 3 ten' Employer kitam khol lo a, Emplyee te kihizaw hi. Pawl khatkhat in, ih dinmun kithei lo in, Employer ki sa kha mawkmawk thei hi hang. Kha sum taw hong kiguai leh nang pen Employer hilo cin a, Employee na hi hi. Kipawlna khat peuhpeuh, Biakna khat peuh ah, Kha sum hong kipiak nakleh nang pen Employee na hih hunlam kitheih ding thu pi a, Employer thu mang nuam lo in nang ma thuthu in na kalsuan leh nang pen hong kinawlkhin ding cih ih thei ding kisam mahmah hi.
Ih tungsiah U lian te thu ih man ding ahihmah bangin, Pawlpi sung ah, Pawlpi makai te, Khasum hong pia te thu ih man keileh maipha ngah lo ding na hi hi. Nang nasep ding a thu pipenpen bang hiam, bang ding in Tavuan (Mawkpuak) hong ki pia hiam cih ih thei kei leh, thu buaina tampi hong piang lel mawk hi. Hih Unau thum te lak ah, Psychology lam leh Philosophy lam ah a thiam ten' a neek un an te lim zaw deuh ham tang hi.
Written by- Khup Hen Pau
Source by - Tongsan group mail.
Posted by - Tongsan Tanute
Monday 7 February 2011
Adventist World Radio ah Tedim Pau
A deihte’n iTunes in zong subscribe thei ding uhi.
Hih bang a radio kiciantak hong vaihawm makaite tung ah lungdam mahmah hi.
Link: http://as-sw.awr.org/in/csh
Lusei (Mizo) pau in zong radio AWR in nei hi.
Soucre by vaphual.net
UNHCR in Zomi Refugee Kipawlna ZAM Theihpih
Malaysia gam Zomi refugee kipawlna Zomi Association of Malaysia (ZAM) pen UNHCR in 18 January, 2011 in theihpihna (recognition) lai pia hi.
Hiah a nuai ah UNHCR in ZAM a laikhak na en in
ZAM kipawlna sung ah Zomi gambeel a om mi 17,000 bang pha ding in kilamen hi. ZAM makaite in Zomite a ding semna uh leh a makaihna uh a kilatna khat ahihi.
Soucre by Vaphual.net
Hiah a nuai ah UNHCR in ZAM a laikhak na en in
ZAM kipawlna sung ah Zomi gambeel a om mi 17,000 bang pha ding in kilamen hi. ZAM makaite in Zomite a ding semna uh leh a makaihna uh a kilatna khat ahihi.
Soucre by Vaphual.net
Saturday 5 February 2011
Ta Pasal Deihzawkna
Leitunga minam a tamzaw te in tanu sanga tapa deihzawkna(son preference) lungsim nei uh hi.A diakin hidan pen gamkhangto lote ah
tam se hi.Idia gam bang tapa deih zawkna a nasiat mah mah na mun khat ahi hi. A diakin Punjab leh Rajasthan state bang hi lam ah thang mah mah hi. Naungek numei ahih leh a that ziau ngam te uh hi zen hi. Tapa a neih uciang lungdam napi in tanu a deih uciang dah uh hi.Hi zaha tapa deihzawkna pen a hang tampi awm thei ding hi. Khat ah tapa te pen nu leh pa a keem ding ahih man uh ahi hi.Tanu ten pen pasal a neih uciang nu leh pa paisan in a pasal kiang a zuat uh kul hi.Tua ahihmanin nu leh pa adingin tapa pen a thupit zawkna ciang awm mawk hi.
India gamah tanu a ki deih lohna leh tapa aki deihna hang khat pen Numeite mo ken(dowry) a tam luat hang ahi hi.Van tampi banah sum tampi kingen mawk uh hi.Tua ahih manin ta numei mo khak ding neite in sum tampi a kigin uh kul hi.Nu leh pa adingin tanu te pen vaihaksa leh vangik khat hong suak hi.Hindu te ngeina ah pate vangam a tun theih nangun tapa te in biakna a piak uh kul hi.Tua manin tapa pen deih mah mah uh hi.
Hibanga tapa deih luatna a awm mani n tapa a neih matengun nau suak suak mawk uh hi.Ta pa deih luat manin tanu peuh tampi neih lawh zawsop thei uh hi.Hun hong paipai ciang pilna hong khangin set van a tuam tuam hong piang hi.Hite zangin naupai laiin numei maw pasal cih ki en thei ziau vanglak hi. Mun pawl khat ah hite zangin a naupai uh pasal ahih loh manin paikhia ( Sex selective abortion) ziau ziau mawk uh hi.Tua ahihmanin nau piang numei tawmzaw den hi.
Eimite sungah zong tapa deihzawkna lian mah mah hi. Pasalte sangin numeite kithupi ngaihsut lo zaw pongmawk hi.Tua manin numei te din mun zong niam zaw pah hi.Gam khangto te ah numei pasal kikhenna lungsim (gender discrimination) tawm zaw deuh hi.Numeite dinmun zong hoih zaw ahih manin zong khangto zaw pah uh hi.A thupi pen ah bel pasian hong piak bang bang tawh lungkim theih ding hoih hi.
By N.Pau Tun Thang
Soucre By vaphual.net
tam se hi.Idia gam bang tapa deih zawkna a nasiat mah mah na mun khat ahi hi. A diakin Punjab leh Rajasthan state bang hi lam ah thang mah mah hi. Naungek numei ahih leh a that ziau ngam te uh hi zen hi. Tapa a neih uciang lungdam napi in tanu a deih uciang dah uh hi.Hi zaha tapa deihzawkna pen a hang tampi awm thei ding hi. Khat ah tapa te pen nu leh pa a keem ding ahih man uh ahi hi.Tanu ten pen pasal a neih uciang nu leh pa paisan in a pasal kiang a zuat uh kul hi.Tua ahihmanin nu leh pa adingin tapa pen a thupit zawkna ciang awm mawk hi.
India gamah tanu a ki deih lohna leh tapa aki deihna hang khat pen Numeite mo ken(dowry) a tam luat hang ahi hi.Van tampi banah sum tampi kingen mawk uh hi.Tua ahih manin ta numei mo khak ding neite in sum tampi a kigin uh kul hi.Nu leh pa adingin tanu te pen vaihaksa leh vangik khat hong suak hi.Hindu te ngeina ah pate vangam a tun theih nangun tapa te in biakna a piak uh kul hi.Tua manin tapa pen deih mah mah uh hi.
Hibanga tapa deih luatna a awm mani n tapa a neih matengun nau suak suak mawk uh hi.Ta pa deih luat manin tanu peuh tampi neih lawh zawsop thei uh hi.Hun hong paipai ciang pilna hong khangin set van a tuam tuam hong piang hi.Hite zangin naupai laiin numei maw pasal cih ki en thei ziau vanglak hi. Mun pawl khat ah hite zangin a naupai uh pasal ahih loh manin paikhia ( Sex selective abortion) ziau ziau mawk uh hi.Tua ahihmanin nau piang numei tawmzaw den hi.
Eimite sungah zong tapa deihzawkna lian mah mah hi. Pasalte sangin numeite kithupi ngaihsut lo zaw pongmawk hi.Tua manin numei te din mun zong niam zaw pah hi.Gam khangto te ah numei pasal kikhenna lungsim (gender discrimination) tawm zaw deuh hi.Numeite dinmun zong hoih zaw ahih manin zong khangto zaw pah uh hi.A thupi pen ah bel pasian hong piak bang bang tawh lungkim theih ding hoih hi.
By N.Pau Tun Thang
Soucre By vaphual.net
Thursday 3 February 2011
Wednesday 2 February 2011
MI MANPHA IH SUAK THEIH NANG!
Mihing ih hih nak leh ih teengna leitung a ding mi manphate ih hi hi. Hamsatna, kamsiatnate na ngawn amau mun tek ah kizang thei ciat hi.
'Koi mah ah ki zang thei lo,thupi lo mi' ih cihte pen ih heh lai tak ih cih khak bek hi. Hih mun, hih thu, hih vai ah asep theih kei hang a dang mun, thu leh vai khat teitei ah a mah in na thupi pen thei ding hi. A haksatna ah - ei tawh akituak pilna, ciimna ih neih lam a kithei mi ih tawm mahmah hi. Thei kha leng lah ei'pilna, ciimna te ei leh ei 'n ih neu muh kha aa tawm bek ih zang ciat hi.
Ih neih sa pilna,ciimnate hoih tak a zang thei mite in amau' nuntakna sung ah gualzawhna angah uh hi. Gentehna in-a neu tung pek in mitmulo, khua za lo ahi 'Hellen Keller' pen a tawpna ciangin leitung ah aminthang lai at siama hong piang hi. Cihnopna ah ih piang pih pilna, siamnate hoih takzang thei leng bangzahta haksa mah ta seleh a tawpna ciang ihgualzo ding hi.
Ei pilna, ciimna pen ei aa bek a hihi. Midangte pilna, ciimna tawh vateh sekei in. Nateh aa leh zong na' pilna a khangtona ding bek hi sak in. Midang te eng in va dem ding hi lo hi.
Mipawl khat te in mi'gual zawh nate mu in va eng hi. Eng bek tham lo haza lai uh hi.
Pawl khat te ciang min' nuamsa leh a hazat man in gensia aa a nuamsakna uh va susia uh hi. A mah ih eng leh a mah bangin ih pil, ihsiam, ih hauh na'ng hanciam ding pen ih mang ngilh kha hi.
Nauluai sung pan hankhuk sung ih tung madong ih nuntak na ah mi khat ciat in lampi khat ta ih nei hi. Ei' lampi pen ei' bek tawnh ding hi. Tua mah bang in ei'te pilna, ciimna pen midangte tawh ki bang lo thei ding hi.Tua thu ih mang ngilh loh thupi hi.
Genteh na in-NU leh PA pawlkhat te in a tate uh siavuan(Doctor) piang saknuam hi.Tan sawm laivuan na ah mat (mark) tam ngah nang hanciam pih in siavuan pilna sinsak hi. A hih hang tate in siavuan lamah ukna lah neilo, pilna lah baang zolo a hih man in siavuan apiang hangin za tui sut naphim leh stethoscope bek tawi in M.B.Bs bek tawh a nuntak na uh bei sak hi.
Ei' ukna, lunggulhna lam bek mah ah hanciam leng a lam dang gualzawh na leh khangtoh na ih ngah hi. Doctor, Engineer te bek in gualzo in a nuam sa hi lo hi.Leitung ah a dang nasep ding tampi om lai hi. Tuate ah zong hanciam leng gualzawh leh pilna tampi ih ngah thei hi.
Pilna, ciimna, khangtoh nading laihoih, lai manphate ih sim ding zong kisam hi. Tua te pan pilna ihzong ding hi. Ih nuntak sung pilna ih zong kul hi. Sang pan a sang pen lai tan ih ong hangin 'Pilna nei ta ing' ki ci zo lo hi. Pilna neih nang lampi a mupan bek hi hang.
Laisimna pen ih khuakleh ih lungsim an a vak tawh kisun hi. Lai ih sim na hangin ih khuakah a ciamteh huai pilna tuamtuam ih ngah hi.Ih lungsim ah ciamteh huai te ih ngah khit ciangin migitna, lungneemnate hong khang semsem ding hi. Pilna hong khang toh ciang in ih muh na zong hong khang semsem ding hi. Kipilsakna, kiphasaknate hong mang ding hi. Maitaina in ih lungsim hong vak sak hi. Lungsim vak in lung nop leh gilona, huaihamnate hong tawm semsem ding hi.
Tua bek tham lo lungsim vak leh ih ngaihsutna zong hong vakin hong manlang ding hi. Mite muh loh ih muh theihna pilna khuavak hangin a hoih ,a manpha makaih zawh na ih nei ding hi.
Tua hi aa lung sim leh pumpi khangtohna ih ngah ciangin leitung ah mihing ih suak khakna' a manphatna ih tel zo pan ding hi.Tua ih hamphatna tawh ih gam, ih lei, ih tui, ih minam aa ding na sem leng bang zah in ih manpha zaw lai ding hiam!
Bibiana(MLT)
2nd year
University of Medical Technology.
Source by - siamsin.org
'Koi mah ah ki zang thei lo,thupi lo mi' ih cihte pen ih heh lai tak ih cih khak bek hi. Hih mun, hih thu, hih vai ah asep theih kei hang a dang mun, thu leh vai khat teitei ah a mah in na thupi pen thei ding hi. A haksatna ah - ei tawh akituak pilna, ciimna ih neih lam a kithei mi ih tawm mahmah hi. Thei kha leng lah ei'pilna, ciimna te ei leh ei 'n ih neu muh kha aa tawm bek ih zang ciat hi.
Ih neih sa pilna,ciimnate hoih tak a zang thei mite in amau' nuntakna sung ah gualzawhna angah uh hi. Gentehna in-a neu tung pek in mitmulo, khua za lo ahi 'Hellen Keller' pen a tawpna ciangin leitung ah aminthang lai at siama hong piang hi. Cihnopna ah ih piang pih pilna, siamnate hoih takzang thei leng bangzahta haksa mah ta seleh a tawpna ciang ihgualzo ding hi.
Ei pilna, ciimna pen ei aa bek a hihi. Midangte pilna, ciimna tawh vateh sekei in. Nateh aa leh zong na' pilna a khangtona ding bek hi sak in. Midang te eng in va dem ding hi lo hi.
Mipawl khat te in mi'gual zawh nate mu in va eng hi. Eng bek tham lo haza lai uh hi.
Pawl khat te ciang min' nuamsa leh a hazat man in gensia aa a nuamsakna uh va susia uh hi. A mah ih eng leh a mah bangin ih pil, ihsiam, ih hauh na'ng hanciam ding pen ih mang ngilh kha hi.
Nauluai sung pan hankhuk sung ih tung madong ih nuntak na ah mi khat ciat in lampi khat ta ih nei hi. Ei' lampi pen ei' bek tawnh ding hi. Tua mah bang in ei'te pilna, ciimna pen midangte tawh ki bang lo thei ding hi.Tua thu ih mang ngilh loh thupi hi.
Genteh na in-NU leh PA pawlkhat te in a tate uh siavuan(Doctor) piang saknuam hi.Tan sawm laivuan na ah mat (mark) tam ngah nang hanciam pih in siavuan pilna sinsak hi. A hih hang tate in siavuan lamah ukna lah neilo, pilna lah baang zolo a hih man in siavuan apiang hangin za tui sut naphim leh stethoscope bek tawi in M.B.Bs bek tawh a nuntak na uh bei sak hi.
Ei' ukna, lunggulhna lam bek mah ah hanciam leng a lam dang gualzawh na leh khangtoh na ih ngah hi. Doctor, Engineer te bek in gualzo in a nuam sa hi lo hi.Leitung ah a dang nasep ding tampi om lai hi. Tuate ah zong hanciam leng gualzawh leh pilna tampi ih ngah thei hi.
Pilna, ciimna, khangtoh nading laihoih, lai manphate ih sim ding zong kisam hi. Tua te pan pilna ihzong ding hi. Ih nuntak sung pilna ih zong kul hi. Sang pan a sang pen lai tan ih ong hangin 'Pilna nei ta ing' ki ci zo lo hi. Pilna neih nang lampi a mupan bek hi hang.
Laisimna pen ih khuakleh ih lungsim an a vak tawh kisun hi. Lai ih sim na hangin ih khuakah a ciamteh huai pilna tuamtuam ih ngah hi.Ih lungsim ah ciamteh huai te ih ngah khit ciangin migitna, lungneemnate hong khang semsem ding hi. Pilna hong khang toh ciang in ih muh na zong hong khang semsem ding hi. Kipilsakna, kiphasaknate hong mang ding hi. Maitaina in ih lungsim hong vak sak hi. Lungsim vak in lung nop leh gilona, huaihamnate hong tawm semsem ding hi.
Tua bek tham lo lungsim vak leh ih ngaihsutna zong hong vakin hong manlang ding hi. Mite muh loh ih muh theihna pilna khuavak hangin a hoih ,a manpha makaih zawh na ih nei ding hi.
Tua hi aa lung sim leh pumpi khangtohna ih ngah ciangin leitung ah mihing ih suak khakna' a manphatna ih tel zo pan ding hi.Tua ih hamphatna tawh ih gam, ih lei, ih tui, ih minam aa ding na sem leng bang zah in ih manpha zaw lai ding hiam!
Bibiana(MLT)
2nd year
University of Medical Technology.
Source by - siamsin.org
Ki khiam tek ni...
Ih ki pawlna ih ki lem theih na ding in kong post hi.
Mi te ngaihsutna/lung sung thuakna(feeling)te thupi bawl in.
Nang thei na ki sak le na lawm in nang sang in thei ki sa zaw thei ding hi.
Hih thu phawk den leng buai na tawm zaw ding in ka hi.
Mi khat in nang ngaih sut sang in zong hoih zaw lo ding a zong sia zaw tuan lo ding hi.
Mi khat ii ahihna(of being) na tawh mi te ih thu pi bawl ding ki sam ding hi.Gtn.mi khat a pil ,pil lohna hang hi lo in ma ii hih na tawh ( of being human that can feel like u) na hopih na panpih ding ki sam hi.
Mi ki cing tak lo a na ngaih sut khat tawh na buai le, nang zong tua pa tawh level a ki bang na hi hi.
Khiapna ( ama deihna zuihna) tawh mi te ih zawh theih ding ki sam hi.Mi te deihna zuihna in supna(lose) hi lo in tua tawh ih zawh theih dinga ki sam a hi hi.
A hih hang ih thu pawl khat ah nang deihna na zuih sak nop le ama lung lut ding in na kaih theih ding ki sam ding hi.Tua thu hang in amangah theih ding hoihna siatna te ama tel ding in na tel gen kul ding hi.
Hih thu te i keingaih sut dan pawlkhat hi lel in nang ngaih sut dan tawh zong ki bang lo kha thei ding hi.
Na lang a pa in akhiap kei a nang na khiap kei le buaina om tawn tung ding hi.
Khat le khat ei i personal feeling te tung in mi dang khat i feeling en ma sa in ih ki pawl na ciat ah ki lemna om ta hen. Amen
by Tg. Thang Sian Sing
Pawllutang
ZSK-Mdy
Source by - siamsin.org
Mi te ngaihsutna/lung sung thuakna(feeling)te thupi bawl in.
Nang thei na ki sak le na lawm in nang sang in thei ki sa zaw thei ding hi.
Hih thu phawk den leng buai na tawm zaw ding in ka hi.
Mi khat in nang ngaih sut sang in zong hoih zaw lo ding a zong sia zaw tuan lo ding hi.
Mi khat ii ahihna(of being) na tawh mi te ih thu pi bawl ding ki sam ding hi.Gtn.mi khat a pil ,pil lohna hang hi lo in ma ii hih na tawh ( of being human that can feel like u) na hopih na panpih ding ki sam hi.
Mi ki cing tak lo a na ngaih sut khat tawh na buai le, nang zong tua pa tawh level a ki bang na hi hi.
Khiapna ( ama deihna zuihna) tawh mi te ih zawh theih ding ki sam hi.Mi te deihna zuihna in supna(lose) hi lo in tua tawh ih zawh theih dinga ki sam a hi hi.
A hih hang ih thu pawl khat ah nang deihna na zuih sak nop le ama lung lut ding in na kaih theih ding ki sam ding hi.Tua thu hang in amangah theih ding hoihna siatna te ama tel ding in na tel gen kul ding hi.
Hih thu te i keingaih sut dan pawlkhat hi lel in nang ngaih sut dan tawh zong ki bang lo kha thei ding hi.
Na lang a pa in akhiap kei a nang na khiap kei le buaina om tawn tung ding hi.
Khat le khat ei i personal feeling te tung in mi dang khat i feeling en ma sa in ih ki pawl na ciat ah ki lemna om ta hen. Amen
by Tg. Thang Sian Sing
Pawllutang
ZSK-Mdy
Source by - siamsin.org
PYIDAWTHA KHUA IN SIAMSIN SEMINAR V INNTEEK SEPDING LUNGKIMTAK SANG
January 15, 2011. Hong tung ding November, 2011 sungin kibawl ding “Siamsin Seminar V” ah Pyidawtha Khua in inntek sep ding lungdamtak in sang hi cih thu kiza hi.
Kum Inntek A veina
Siamsin Seminar le inntek khua te
2006 Tedim Seminar I
2007 Kibawllo -
2008 Kawlpi Seminar II
2009 Tedim Seminar III
2010 Tonzang Seminar IV
2011 Pyidawtha Seminar V
Tg Thang Sian Muang, Executive Committee, Zomi Siamsin Kipawl na, Sagaing Institute Of Education in a nuai a bang in taangko na nei hi.
“Zomi Siamsin Kipawl na aa ki hel mi khem peuh tung ah kong tang ko hi. Mai aa, hong tung ding Zomi Siamsin Kipawl na Seminar (v) bawl na ding mun ih seh kholh sa a om bang mah in, Pyidawtha Khua Siamsin Khang no te in, lung kimtak leh lung dam tak in hong sang ahih man in, a kua mah peuh ih lung dam hi.
Inn teek sem ding Pyidawtha Khua Zomi Siamsin Khang no te in, tu aa ki pan in sep lehbawl ding vai pua ta ahih man in, a kua mah peuh in, thu nget na tawh mapan pih aa, ih ngel na bang in, Seminar (v) ci dam tak leh lung nuam tak in,Pyidawtha Khua Zomi Siamsin te tawh maitang ki mu khawm aa, Gam leh Minam, aa ding a sem a bawl khawmthei ding in Pasian in nang leh kei thu pha hong pia ciat ta hen.”
Zomi Siamsin Kipawlna – Myanmar pan in Kawlgambup a sangkah Siamsin lia le taang te kimu khawm in thukikup theih nading in 2006 kum akipan in Novemkha sim in “Siamsin Seminar” bawl den a 2007 kum lo siah ki bawl zo den hi.
SourceBy -siamsin.org
Kum Inntek A veina
Siamsin Seminar le inntek khua te
2006 Tedim Seminar I
2007 Kibawllo -
2008 Kawlpi Seminar II
2009 Tedim Seminar III
2010 Tonzang Seminar IV
2011 Pyidawtha Seminar V
Tg Thang Sian Muang, Executive Committee, Zomi Siamsin Kipawl na, Sagaing Institute Of Education in a nuai a bang in taangko na nei hi.
“Zomi Siamsin Kipawl na aa ki hel mi khem peuh tung ah kong tang ko hi. Mai aa, hong tung ding Zomi Siamsin Kipawl na Seminar (v) bawl na ding mun ih seh kholh sa a om bang mah in, Pyidawtha Khua Siamsin Khang no te in, lung kimtak leh lung dam tak in hong sang ahih man in, a kua mah peuh ih lung dam hi.
Inn teek sem ding Pyidawtha Khua Zomi Siamsin Khang no te in, tu aa ki pan in sep lehbawl ding vai pua ta ahih man in, a kua mah peuh in, thu nget na tawh mapan pih aa, ih ngel na bang in, Seminar (v) ci dam tak leh lung nuam tak in,Pyidawtha Khua Zomi Siamsin te tawh maitang ki mu khawm aa, Gam leh Minam, aa ding a sem a bawl khawmthei ding in Pasian in nang leh kei thu pha hong pia ciat ta hen.”
Zomi Siamsin Kipawlna – Myanmar pan in Kawlgambup a sangkah Siamsin lia le taang te kimu khawm in thukikup theih nading in 2006 kum akipan in Novemkha sim in “Siamsin Seminar” bawl den a 2007 kum lo siah ki bawl zo den hi.
SourceBy -siamsin.org
KALAY UNIVERSITY SIAMSINTE PANMUN KITELNA LE PANMUN APNA LAWHCING
Tuesday, 25 January 2011 10:25 | Written by Admin | | |
Zomi Siamsin Kipawlna- Kalay University te in Jan, 22, 2011(Sat) ni in Lia Man Sum Lum te inn ah panmun kitelna le panmun apna te picingtak le lawhcing takin kinei thei hi. Panmunlen lui te tung pan panmunlen thak te tungah apna suaikaihna te zong nasiatakin nei thei uh hi.
2010-2011 laisin kum panmunlen Siamsin makai te in a nuai abang ahi uh hi.
Panmun Amin
ZSK-Kalay 2011 Panmunlen
President Tg. Pau Zo Lian
Vice President Tg. Thang Cin Lal
Secretary Tg. Thang Sawm Kim
Assitant Secretary Tg. Thang Din Pau
Treasurer Lia Man Sum Lun
Lia Dim San Nuam
Accountant Tg. Cin Lam Thawn
Tg. Kham Sian Thang
Auditor Tg. Tuang Suan Thang
y; Tg Langh Do Lian
Secretary
ZSK-KU, 2009-2010
Tg. Tuang Ngin Sang
Source by -Siamsin.org
Zomi Siamsin Kipawlna- Kalay University te in Jan, 22, 2011(Sat) ni in Lia Man Sum Lum te inn ah panmun kitelna le panmun apna te picingtak le lawhcing takin kinei thei hi. Panmunlen lui te tung pan panmunlen thak te tungah apna suaikaihna te zong nasiatakin nei thei uh hi.
2010-2011 laisin kum panmunlen Siamsin makai te in a nuai abang ahi uh hi.
Panmun Amin
ZSK-Kalay 2011 Panmunlen
President Tg. Pau Zo Lian
Vice President Tg. Thang Cin Lal
Secretary Tg. Thang Sawm Kim
Assitant Secretary Tg. Thang Din Pau
Treasurer Lia Man Sum Lun
Lia Dim San Nuam
Accountant Tg. Cin Lam Thawn
Tg. Kham Sian Thang
Auditor Tg. Tuang Suan Thang
y; Tg Langh Do Lian
Secretary
ZSK-KU, 2009-2010
Tg. Tuang Ngin Sang
Source by -Siamsin.org
Pu Chin Sian Thang President Zomi National Congress Holimpihna
CW - Pu Thang aw,,, na tangthu tom nong gen thei diam?CST - Pu Song Hang leh Pi Cing Sian Nemte sung pan April 6,1938 kumin Tedim gam( tu in Tonzang gam) Zampi khua ah ka suak a, Unau 6 sung pan 3 na ka hi hi. Tu in ka pian kum 73 pha ta ing.
CW - Pilna zon zia tawm nong gen thei diam?
CST – Zampi khua ah Tan 4 zo, Tedim State High School pan Tan 8, Mandalay Division Private sang pan 1958 kumin Tan 10 zo, Yangon University pan B.A degree leh B.A (Law) L.L.B degree ngah ing.
CW - 2008 kum akibawl kiteelna ding Bylaw deih lohna hangin 2010 kiteelna ah ZNC party kihel lo ding cih kiza ahih manin, Zomi(Chin) mipite in bangci hong telsiam pihna ding na ngaihsutna nong gen thei diam?
CST - 2008 kuma kibawl Bylaw pen gam makai Tangmite thukimna tawh kibawl hi loin galkap kumpite leh a mau mizawhte bawl tawm ahi hi. Tua thukhunpi No. 441 sungah 2010 kiteelna pan hong piang Palaite in 2008 bylaws kipsakna nei thei ci uh hi. Cihnopna ah hih Thukhun bulpi sung ah ei minam tuamtuamte gen loh Kawlgam buppi ading phattuamna om het lo ahi hi. Galkap Kumpite in kum sawtpi thuneih theihna ding bekbek a bawl uh ahi hi. Tua amau deih banga kibawl thukhun kikipsak lailai leh tuhun sangin mai lamah Kawlgam kalsuan zia haksa zaw lai ding hi. Tua a hoih lo, amau thubek tawh a kibawl thukhun kideih lo ahih manin 2010 kiteelna ah ZNC kihel loh ding khensatna kinei ahi hi.
CW - 1990-2010 sung democrecy adeihte in a ngimna leh atupna mun kitung zolo suak ahih manin a hang nang mimal muhna nong gen thei diam?
CST- A kigual zawh lohna hang kei muhna ah- 1990 kum kiteelpina pen thuman in lawh cing kasa hi. Mee kiteel dante zong Kawlgam buppi bek hi loin leitungbup nangawn in thuman sa uh hi. A hi zongin tua laitak in galkap kumpi thuneite in amau bawl thukhun bawlna ah Hlutdaw palaite sam lo ahih manin,Hlutdaw Palaite in naseptheihna kinei lo hi. Tua bang a Palaite hong saploh ciangin Kei mah Chin Sian Thang, Dr.Saw Maza Aung(Rakhine), Naing Tun Thein (Mon), Khun Tun Oo (Shan) te makai in Hlutdaw Palai sam hi ung.
Tua bang a Hlutdaw asap nop lohna thu pen tangthu sungah mang ngei lo ding hi ci in NLD Party tawh kipawl in Kumpite lai ka khak uh hi. Nong sap kei veve uh leh ko teng mahin kipawlna leh thukikupna ka nei ding uh hi ci-in,kha 2 sung hun pia in ka zasak uh hi. Galkap kumpite in zong “tua bang a lai hong khak vial na hih uh leh ci-in, Hlutdaw Palaite a banban in Thong hong khum ziah ziah hi. Tua ahih manin 1990 kiteelna akilawh cin zawhlohna hang pen Galkap thuneite in Hlutdaw palai thukikum ding a sapnop loh ciangin, ko le ko in akisap sawmna pan lau kik leuleu uh a, Palai teng khempeuh kum 4-5 sung Thong a khum ciangin Democrecy ngahna ding tuni ciang dong kilawhcing zolo suak ahih manin, a tawpna ah galkap kumpite thuman lohna/ hoihlohna mah ahi hi.
CW - 2010 kiteelna ding tawh kisai Democrecy lampi man tawn ding ci-in, kiteelna ah mi pawlkhat lut sawm cih kiza hi. Tuate kalsuan sawm zia bangci muh na hia?
CST- Ko MP palaite pen mipite sawltak palai ka hih man un galkap kumpite in amau langpang in hong ciamteh uh hi. Democrecy gamte ah kiteelna tawh vai khempeuh siang pah a, mai lam gam kimakaih zia ding Thukhun kibawl to pah hi. Tua thukhun pen Party khempeuh, minam kipawlna khempeuh leh kipawlna tuamtuamte tawh kibawl khawm ahi hi. A hi zongin galkap kumpite gamtat zia pen Hlutdaw palai teng thukhun bawlna ah deih lo uh ahih manin a lungkim lo aki tawp zong om hi. Thukhun bawlna ah a mau deih miteng sam ziau uh a, tua teng tawh bawlin kipsak ziau uh hi.
Tua thukhun a bawl hun uh zong Kawlgam ah Nirgis huihpi tawh kibuai hun laitak in bawl sese uh hi. Hlutdaw Palaite gen loh amau sung nangawn ah thukimna om lo pi-in, 99% kilungkim ci-in pulak khia uh hi. Tua manin hih thukhun (Constitution) bawlna pen mipi deihna zui loin, Galkapte thuneihna leh a mau zawhthawh pawlkhat tawh kipsakna ahih manin, 2010 kiteelpina pen amau teng mah thu tawh a kalsuannop man mah hi ci-in ka mu hi. Thuman kitelna hi ngeingei lo cih kei muhna ahi hi.
CW - 2010 kiteelna hangin kikhelna leh mipi ading bang phattuamna om ding na lamen hia?
CST - Kei muhna ah kiteelna hangin bang mahmah kikhelna om lo dinga,Galkap kumpitein sawtpi hong uk semsem na ding kiteelna in ka mu hi. A mite hong kikhek cih loh ki ukzia kikhel ngeilo dinga, a thuneihna uh kipsuak veve lai ding hi. Kiteelna ah lut in, Hlutdaw palai i ngah phial mah zongin minam le gam phattuamna ding kisem thei tuan lo ding hi. Khasum hong kipiak cih loh a dang lametna ding bang mahmah om lo hi.
A kicing in Tongsan.org pan sim in!
Source by - Vaphua.net
CW - Pilna zon zia tawm nong gen thei diam?
CST – Zampi khua ah Tan 4 zo, Tedim State High School pan Tan 8, Mandalay Division Private sang pan 1958 kumin Tan 10 zo, Yangon University pan B.A degree leh B.A (Law) L.L.B degree ngah ing.
CW - 2008 kum akibawl kiteelna ding Bylaw deih lohna hangin 2010 kiteelna ah ZNC party kihel lo ding cih kiza ahih manin, Zomi(Chin) mipite in bangci hong telsiam pihna ding na ngaihsutna nong gen thei diam?
CST - 2008 kuma kibawl Bylaw pen gam makai Tangmite thukimna tawh kibawl hi loin galkap kumpite leh a mau mizawhte bawl tawm ahi hi. Tua thukhunpi No. 441 sungah 2010 kiteelna pan hong piang Palaite in 2008 bylaws kipsakna nei thei ci uh hi. Cihnopna ah hih Thukhun bulpi sung ah ei minam tuamtuamte gen loh Kawlgam buppi ading phattuamna om het lo ahi hi. Galkap Kumpite in kum sawtpi thuneih theihna ding bekbek a bawl uh ahi hi. Tua amau deih banga kibawl thukhun kikipsak lailai leh tuhun sangin mai lamah Kawlgam kalsuan zia haksa zaw lai ding hi. Tua a hoih lo, amau thubek tawh a kibawl thukhun kideih lo ahih manin 2010 kiteelna ah ZNC kihel loh ding khensatna kinei ahi hi.
CW - 1990-2010 sung democrecy adeihte in a ngimna leh atupna mun kitung zolo suak ahih manin a hang nang mimal muhna nong gen thei diam?
CST- A kigual zawh lohna hang kei muhna ah- 1990 kum kiteelpina pen thuman in lawh cing kasa hi. Mee kiteel dante zong Kawlgam buppi bek hi loin leitungbup nangawn in thuman sa uh hi. A hi zongin tua laitak in galkap kumpi thuneite in amau bawl thukhun bawlna ah Hlutdaw palaite sam lo ahih manin,Hlutdaw Palaite in naseptheihna kinei lo hi. Tua bang a Palaite hong saploh ciangin Kei mah Chin Sian Thang, Dr.Saw Maza Aung(Rakhine), Naing Tun Thein (Mon), Khun Tun Oo (Shan) te makai in Hlutdaw Palai sam hi ung.
Tua bang a Hlutdaw asap nop lohna thu pen tangthu sungah mang ngei lo ding hi ci in NLD Party tawh kipawl in Kumpite lai ka khak uh hi. Nong sap kei veve uh leh ko teng mahin kipawlna leh thukikupna ka nei ding uh hi ci-in,kha 2 sung hun pia in ka zasak uh hi. Galkap kumpite in zong “tua bang a lai hong khak vial na hih uh leh ci-in, Hlutdaw Palaite a banban in Thong hong khum ziah ziah hi. Tua ahih manin 1990 kiteelna akilawh cin zawhlohna hang pen Galkap thuneite in Hlutdaw palai thukikum ding a sapnop loh ciangin, ko le ko in akisap sawmna pan lau kik leuleu uh a, Palai teng khempeuh kum 4-5 sung Thong a khum ciangin Democrecy ngahna ding tuni ciang dong kilawhcing zolo suak ahih manin, a tawpna ah galkap kumpite thuman lohna/ hoihlohna mah ahi hi.
CW - 2010 kiteelna ding tawh kisai Democrecy lampi man tawn ding ci-in, kiteelna ah mi pawlkhat lut sawm cih kiza hi. Tuate kalsuan sawm zia bangci muh na hia?
CST- Ko MP palaite pen mipite sawltak palai ka hih man un galkap kumpite in amau langpang in hong ciamteh uh hi. Democrecy gamte ah kiteelna tawh vai khempeuh siang pah a, mai lam gam kimakaih zia ding Thukhun kibawl to pah hi. Tua thukhun pen Party khempeuh, minam kipawlna khempeuh leh kipawlna tuamtuamte tawh kibawl khawm ahi hi. A hi zongin galkap kumpite gamtat zia pen Hlutdaw palai teng thukhun bawlna ah deih lo uh ahih manin a lungkim lo aki tawp zong om hi. Thukhun bawlna ah a mau deih miteng sam ziau uh a, tua teng tawh bawlin kipsak ziau uh hi.
Tua thukhun a bawl hun uh zong Kawlgam ah Nirgis huihpi tawh kibuai hun laitak in bawl sese uh hi. Hlutdaw Palaite gen loh amau sung nangawn ah thukimna om lo pi-in, 99% kilungkim ci-in pulak khia uh hi. Tua manin hih thukhun (Constitution) bawlna pen mipi deihna zui loin, Galkapte thuneihna leh a mau zawhthawh pawlkhat tawh kipsakna ahih manin, 2010 kiteelpina pen amau teng mah thu tawh a kalsuannop man mah hi ci-in ka mu hi. Thuman kitelna hi ngeingei lo cih kei muhna ahi hi.
CW - 2010 kiteelna hangin kikhelna leh mipi ading bang phattuamna om ding na lamen hia?
CST - Kei muhna ah kiteelna hangin bang mahmah kikhelna om lo dinga,Galkap kumpitein sawtpi hong uk semsem na ding kiteelna in ka mu hi. A mite hong kikhek cih loh ki ukzia kikhel ngeilo dinga, a thuneihna uh kipsuak veve lai ding hi. Kiteelna ah lut in, Hlutdaw palai i ngah phial mah zongin minam le gam phattuamna ding kisem thei tuan lo ding hi. Khasum hong kipiak cih loh a dang lametna ding bang mahmah om lo hi.
A kicing in Tongsan.org pan sim in!
Source by - Vaphua.net
Innsung Nuam
La phuak ten, “Innsung nuam, van gam nai pen ahi,” a na ci uh hi. Hici bang a leitung van gam a om theihna ding in “PA” te tungah Pasian in tavuan a na koih hi. Insung nuam I bawl theihna ding in Pa te tavuan thum anuai bang in ensuk ni:
1. Pasian tungah tavuan:
Jesu innsung a Pa lu ahih ding ahi. Tulai in a dang te genlo in ei Kristian kici te innsung mah mah en le hang, Pasian in mun a tanlohna inn tampi om hi. Tua ci bang innsung te a, Pasian in vaihawm theilo ahihmanin, Innsung nuam, mite etton tak Innsung suak thei lo hi. Pa aw, Pasian na Innsung ah a sangpen in na koih hiam? Amah a sangpen mun pia in, Amah deih dan in ki uk sang lecin, van gam nai pen mun ah na inkuanpih te ompih pih himai na hi.
2.Zite tungah tavuan:
Pasal ten zite it ding ahi. Pasal te insung ah vaihawm ding leh makai ding in Pasian in tavuan(responsibility) a piak ahi hi. Pa khenkhat te insunga a mohpuak bang a a sep loh ciangin, innsung ah nawngkai na lian pi om hi.Tua kia hilo in, Bible sungah “Pasal te aw, na zite uh ana it un..” cih I mu hi. Insunga Pa ciat in Pasian tawh kizopna nei in, Pasian apat a itna tawh a zite uh a it ding uh ahi hi. Paunak ah, “Na khangno lai a, na zi tawh nuam sa in om un” ci hi. Ei Zomi te sungah zite pen nidangsangin kikoih sang zaw ta ahihmanin lungdamhuai hi. Ahihangin, Pasian in it ding a cih bangin I it zo na hiam, Pa te kingaihsun ni. Efesa laibu sungah “….. pasalte in zong amau’ pumpi zah mah baangin a zite uh a it ding uh ahi hi. A zi a it mi in amah a ki-it ahi hi.” A ci hi. Tua ahih manin Zi itlo te pen amah mah ki it lo cih na hipah hi.
family_0018
Creative Commons License photo credit: Laris.Sa*
Ziten kiniamkhiatna tawh Pasal te thu man ding ahi hi. Pasian in pasal te tungah a zite uh ukna ding tavuan a pia hi(Efesa 6:23). Tua ahihmanin, Zite in kiniamkhiatna tawh a Pasal te uh thu a man ding uh Pasian deihna ahi hi. Zi, Pasal te vaihawm ngak lo a, ama thu thu a gaamta te pen Pasian deih dan ahihloh banah, Insungah zong kilemna om thei lo hi. Tua ahihmanin, Insungnuam I bawltheihna ding in Ziten Pasian thu a man mah bang un Pasalte thumanna lungsim a neih uh kisam hi. Na Pasal bang ci bang a gina lo hita se leh, zite aw, Pasian thuman na in, na Pasal te uh thunuai ah kitah lut phot phot un, a sawtlo in a limci gah na lo ding hi.
3.Tate tungah tavuan:
Pa in tate Pasian deih na lampi ah a neu a pat a pattah ding a tavuan ahi hi. Paunak khat in tate omzia(Character) pen nu leh Pa ten insunga a ukzia uh a kimuhna(reflection) ahi a na ci hi. Insungah na tate na uk dan in mi lak ah zong va gamta ding uh hi. Taten Nu leh Pa thuman ding pen thukham, thuciamna tawh om masa pen ahi hi. Pasian thu sungah I tate I makaih na hiam? A mizia ding uh tavuan Pasian in Pa te khut ah koih ahi hi. Na bawl theih lai in, a poimawh leh sat ding lungka ken. Tungman bang a ut bang bang a mek thei ahihlai un, na deih dan tak in mek in bawl in. A khauh khit cianga bawl thak sawm in bangmah phatuam nawn lo ding hi. Pa aw, na ta in na khekhap ong zui zui ahihlam thei in la, na omdan enpha in.
Insung vangam nai pen a suah na ding in, Insungah Pasian in tavaun(responsibility) ong piak dan dan in hoih tak in sem khe leng, tua pen Pasian lungdam hi a, a gah in ong zui ding hi. Pasian in ong ciamsa ahi hi. Tu ni in ki enpha thak ni. Insung vangam nai pen a suah na ding in, Insungah Pasian in tavaun(responsibility) ong piak dan dan in hoih tak in sem khe leng, tua pen Pasian lungdam hi a, a gah in ong zui ding hi. Pasian in ong ciamsa ahi hi. Tu ni in ki enpha thak ni.
By Pa G Swan Za Lian, Chairman ZCF Delhi
Source by - Vphual.net
1. Pasian tungah tavuan:
Jesu innsung a Pa lu ahih ding ahi. Tulai in a dang te genlo in ei Kristian kici te innsung mah mah en le hang, Pasian in mun a tanlohna inn tampi om hi. Tua ci bang innsung te a, Pasian in vaihawm theilo ahihmanin, Innsung nuam, mite etton tak Innsung suak thei lo hi. Pa aw, Pasian na Innsung ah a sangpen in na koih hiam? Amah a sangpen mun pia in, Amah deih dan in ki uk sang lecin, van gam nai pen mun ah na inkuanpih te ompih pih himai na hi.
2.Zite tungah tavuan:
Pasal ten zite it ding ahi. Pasal te insung ah vaihawm ding leh makai ding in Pasian in tavuan(responsibility) a piak ahi hi. Pa khenkhat te insunga a mohpuak bang a a sep loh ciangin, innsung ah nawngkai na lian pi om hi.Tua kia hilo in, Bible sungah “Pasal te aw, na zite uh ana it un..” cih I mu hi. Insunga Pa ciat in Pasian tawh kizopna nei in, Pasian apat a itna tawh a zite uh a it ding uh ahi hi. Paunak ah, “Na khangno lai a, na zi tawh nuam sa in om un” ci hi. Ei Zomi te sungah zite pen nidangsangin kikoih sang zaw ta ahihmanin lungdamhuai hi. Ahihangin, Pasian in it ding a cih bangin I it zo na hiam, Pa te kingaihsun ni. Efesa laibu sungah “….. pasalte in zong amau’ pumpi zah mah baangin a zite uh a it ding uh ahi hi. A zi a it mi in amah a ki-it ahi hi.” A ci hi. Tua ahih manin Zi itlo te pen amah mah ki it lo cih na hipah hi.
family_0018
Creative Commons License photo credit: Laris.Sa*
Ziten kiniamkhiatna tawh Pasal te thu man ding ahi hi. Pasian in pasal te tungah a zite uh ukna ding tavuan a pia hi(Efesa 6:23). Tua ahihmanin, Zite in kiniamkhiatna tawh a Pasal te uh thu a man ding uh Pasian deihna ahi hi. Zi, Pasal te vaihawm ngak lo a, ama thu thu a gaamta te pen Pasian deih dan ahihloh banah, Insungah zong kilemna om thei lo hi. Tua ahihmanin, Insungnuam I bawltheihna ding in Ziten Pasian thu a man mah bang un Pasalte thumanna lungsim a neih uh kisam hi. Na Pasal bang ci bang a gina lo hita se leh, zite aw, Pasian thuman na in, na Pasal te uh thunuai ah kitah lut phot phot un, a sawtlo in a limci gah na lo ding hi.
3.Tate tungah tavuan:
Pa in tate Pasian deih na lampi ah a neu a pat a pattah ding a tavuan ahi hi. Paunak khat in tate omzia(Character) pen nu leh Pa ten insunga a ukzia uh a kimuhna(reflection) ahi a na ci hi. Insungah na tate na uk dan in mi lak ah zong va gamta ding uh hi. Taten Nu leh Pa thuman ding pen thukham, thuciamna tawh om masa pen ahi hi. Pasian thu sungah I tate I makaih na hiam? A mizia ding uh tavuan Pasian in Pa te khut ah koih ahi hi. Na bawl theih lai in, a poimawh leh sat ding lungka ken. Tungman bang a ut bang bang a mek thei ahihlai un, na deih dan tak in mek in bawl in. A khauh khit cianga bawl thak sawm in bangmah phatuam nawn lo ding hi. Pa aw, na ta in na khekhap ong zui zui ahihlam thei in la, na omdan enpha in.
Insung vangam nai pen a suah na ding in, Insungah Pasian in tavaun(responsibility) ong piak dan dan in hoih tak in sem khe leng, tua pen Pasian lungdam hi a, a gah in ong zui ding hi. Pasian in ong ciamsa ahi hi. Tu ni in ki enpha thak ni. Insung vangam nai pen a suah na ding in, Insungah Pasian in tavaun(responsibility) ong piak dan dan in hoih tak in sem khe leng, tua pen Pasian lungdam hi a, a gah in ong zui ding hi. Pasian in ong ciamsa ahi hi. Tu ni in ki enpha thak ni.
By Pa G Swan Za Lian, Chairman ZCF Delhi
Source by - Vphual.net
Tuesday 1 February 2011
PARLIAMENT KHAWMPI KIPAN TA
Kawlgam kiteelna tungtawn a teel ngah member 440 te in tuni January 31,2011 ( Monday ) ni-in Innpi nasem dingte National and Regional Parliament kiteelna nei ta uh hi. Innpi nih (Houses of Parliament) khenna kinei in, galkap kumpi athumna pa ahi Thura Shwe Mann in Innpi nuai nung (Lower Parliament- President) panmun ngah hi. Tua banah Febraury 1,2011 (Tuesday) ni-in, Vice President mi 3 kiteel lai ding a, ahun ding kician nai lo hi.
Tua banah Innpi tungnung(Upper House parliament) ah member 224 om in, Former Cultural minister Khin Aung Myint in Upper House -President) kiteel in, Former director general of the Attorney General’s Office, U Mya Nyein in ( Vice President) ngah hi. Hih Parliament sung a makaite khempeuh pen USDP pan vive ahi uh hi. State and Division pan parliament makaite in ahih leh Vice President panmun ngahzawhna ding hanciam ciat uh ci hi. Thura Shwe Mann pen Kumpi (President) dingin kilamen hi mah ta leh tu ciangciang ngah loh dingin kilamen zaw hi ta hi.
Source by - Mizzima
Posted by - Tongsan Tanute
Source by - Mizzima
Posted by - Tongsan Tanute
Subscribe to:
Posts (Atom)